खोरमा थुनिएकी फुर्दिकुको उपचार सुरु

फाल्गुन १४, २०८०डम्बरसिं राई

खोटाङ — मानसिक सन्तुलन गुमेर खोरमा थुनिएकी दिक्तेल रुपाकोट मझुवागढी नगरपालिका-१३ नुनथला गैरीको २९ वर्षीया फुर्दिकु शेर्पाको उपचार सुरु भएको छ । गत माघ १६ गतेदेखि खोरमा थुनिएकी शेर्पालाई सोमबार उद्धार गरी लगनखेलस्थित मानसिक अस्पतालमा उपचार सुरु भएको हो ।

दिक्तेल रुपाकोट मझुवागढी नगरपालिकाका प्रमुख तीर्थराज भट्टराईका अनुसार सोमबार पौने पााच बजे अस्पताल भर्ना गरिएको हो । बिरामीलाई बस्ने, खाने तथा औषधि निःशुल्क हुने व्यवस्था मिलाइएको भट्टराईले बताए ।

राष्ट्रिय महिला आयोगकी अध्यक्ष कमला पराजुलीको परामर्शमा मानसिक अस्पतालका निर्देशक डा. अनन्त अधिकारीसंग कुरा गरेर शेर्पाको निःशुल्क उपचार गर्ने व्यवस्था मिलाइएको भट्टराईले सुनाए ।

सम्बन्धित समाचार

उपचार गराउन नसक्दा खोरमा थुनिएकी फुर्दिकु