सहकारी विज्ञ प्रधानांगा पुरस्कृत 

झापाको बिर्तामोडस्थित सहारा नेपाल बचत तथा ऋण सहकारी संस्थाले शनिबार नगद एक लाख एक हजारसहित उक्त पुरस्कार प्रधानांगालाई दिएको हो । जीवनको पाँच दशकभन्दा बढी समय सहकारी अभियानमा बिताएका उनलाई सहारा नेपालको २७ औं वार्षिक साधारणसभाको अवसरमा पुरस्कृत गरिएको हो ।

उनलाई कार्यक्रमका प्रमुख अतिथि सभामुख देवराज घिमिरेले नगद र सम्मानपत्रले सम्मानित गरेका हुन् । कार्यक्रममा सहारा सहकारी पत्रकार पुरस्कारबाट पत्रकार सन्तोष न्यौपाने पुरस्कृत भएका छन् । नगद २५ हजारसहित सम्मानपत्रले पत्रकार न्यौपानेलाई सभामुख घिमिरेले पुरस्कृत गरेका हुन् । एक लाख ५७ हजारभन्दा बढी सदस्य रहेको सहकारीले आर्थिक वर्ष २०७९/८० मा ३९ करोड ८६ लाख रुपैयाँ खुद नाफा कमाएको थियो ।