साथीलाई बचाउन सांगीतिक अभियानमा युवा समूह
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
धनकुटा — दुई सातादेखि धनकुटा बजारका हरेक चोक र गल्लीमा दिनहुँजसो गिटार, पियानो र ड्रमसेटसँगै एकहुल युवाहरू सांगीतिक प्रस्तुती गर्दै गरेको अवस्थामा भेटिन्छन् ।
![](https://assets-cdn.ekantipur.com/uploads/source/ads/900x100-1172024092759.gif)
![साथीलाई बचाउन सांगीतिक अभियानमा युवा समूह](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/abhiyan-0372023125701-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सुरुमा उनीहरूको त्यो प्रस्तुतीलाई सामान्य ठान्नेहरूले जब वास्तविकता बुझ्छन् अनि गोजी कोट्याउँदै तँछाडमछाड गर्दै त्यहाँ राखिएको दान पेटिकामा गच्छेअनुसारको रकम खसाल्छन् ।
२० वर्षको उमेरमै जटिल रोगबाट ग्रसित बनेकी साथीका लागि सहयोग जुटाउन उनीहरू यसबेला सांगीतिक यात्रामा निस्किएका हुन् । धनकुटा नगरपालिका ७ सित्तलपाटीकी बासिन्दा २० वर्षीया फरिन राई विराटनगरस्थित कोशी अस्पतालको शैय्यामा प्रतिरोधात्मक क्षमता ह्रास गर्ने जटिल प्रकारको रोग सिस्टमिक लुपुस एरथिेमाटोसुससँग विगत पाँच सातादेखि जुधिरहेकी छन् । सामान्य आर्थिक अवस्था भएका उनका बाबु वीरशुक्र राईले छोरीको उपचारका लागि आफूसँग रकम नभएको गुनासो गरेपछि फरिनका साथीहरू सांगीतिक अभियानमार्फत उनको उपचार खर्च जुटाइरहेका छन् ।
स्नातक तह पहिलो वर्षमा अध्ययनरत फरिनलाई बचाउन भन्दै उपचार खर्च जुटाउन आफूहरू दिनरात नभनी जुटेको सांगीतिक प्रस्तुती कार्यक्रमका अगुवाइ गरिरहेका सञ्जय लिम्बू बताउँछन् । ‘फरिन बचाउ अभियान’ मार्फत दुई सातादेखि उनीहरू रकम संकलन गरिरहेका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)