स्थापनाको चार दशकपछि इनरुवा अस्पतालमा ब्लड बैंक
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सुनसरी — स्थापनाको ४१ वर्षपछि जिल्ला अस्पताल सुनसरीमा रक्त सञ्चार सेवा केन्द्र (ब्लड बैंक) सञ्चालनमा ल्याइएको छ । रक्त सञ्चार सेवा केन्द्रको जिल्ला अस्पताल इनरुवामा बुधबार एक कार्यक्रमबीच उद्घाटन गरिएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![स्थापनाको चार दशकपछि इनरुवा अस्पतालमा ब्लड बैंक](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/health/blood-bank-photo-1462023123234-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
इनरुवा नगरपालिका र भोक्राहा गाउँपालिकाको आर्थिक तथा नेपाल रेडक्रस सोसाइटी सुनसरीको सहयोगमा अस्पताल परिसरमा रक्त सञ्चार केन्द्र स्थापना गरी सञ्चालनमा ल्याइएको हो । केन्द्र सञ्चालननमा आएसँगै सुनसरी सदरमुकाम इनरुवासहित कोशी, हरिनगर, गढी, रामधुनी र भोक्राहा गाउँपालिकाका सेवाग्राहीलाई फाइदा पुग्ने अस्पतालले बताएको छ ।
केन्द्र स्थापनासँगै विभिन्न स्थानीय तहबाट उपचारका लागि आउने बिरामीलाई रगतकै अभावमा धरान या विराटनगरको अस्पताल रेफर गर्नुपर्ने बाध्यता हटेको मेडिकल सुपरिटेन्ट डा. देवराज घिमिरेले बताए । उनका अनुसार अब अस्पतालमा उपचाररत बिरामीहरुलाई सहुलियत दरमा रगत उपलब्ध गराइनेछ ।
दैनिक ४ सय बिरामी उपचारका लागि आउने गरेको इनरुवा अस्पतालले तीन महिनाअघि आँखा उपचार सेवासमेत सुरु गरेको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)