बालिकालाई जबर्जस्ती करणी गरेको आरोपमा एक जना पक्राउ

जेष्ठ ९, २०८०डम्बरसिं राई

खोटाङ — बालिकालाई जबर्जस्ती करणी गरेको अभियोगमा एक पुरुष पक्राउ परेका छन् । नाताले आफ्नै दाजुकी १२ वर्षीया छोरीलाई सोमबार राति करिब १२ बजेतिर सुतिरहेको अवस्थामा जबरजस्ती करणी गर्ने ३४ वर्षीय पुरुषलाई मंगलबार बिहान पाँच बजे घटनास्थलबाटै प्रहरीले पक्राउ गरेको हो ।

दिक्तेल रुपाकोट मझुवागढी नगरपालिका नेर्पा स्थायी घर भएका पीडकलाई पक्राउपछि पाँच दिनको म्याद थप गरी अनुसन्धान बढाइएको जिल्ला प्रहरी कार्यालय खोटाङका प्रवक्ता प्रहरी निरीक्षक बेनु कार्कीले बताए । बालिकाको जिल्ला अस्पतालमा उपचारपछि घर लैजाने तयारी भइरहेको कार्कीले बताए ।