प्रदेश नामकरणको विरोध प्रदर्शनमा मृत्यु भएका लिम्बुको परिवारलाई राहत

कान्तिपुर संवाददाता

विराटनगर — कोशी प्रदेश नामकरणको विरोधका क्रममा चैत ५ गते विराटनगरमा भएको प्रर्दशनमा घाइते भई मृत्यु भएका पदमबहादुर लिम्बु (लाजेहाङ) को परिवारलाई प्रदेश सरकारले तत्कालका लागि तीन लाख रुपैयाँ राहत दिने निर्णय गरेको छ ।

कोशी प्रदेश सरकारको सोमबार बसेको क्याबिनेट बैठकले मृतक लिम्बुको परिवारलाई तत्काल राहतस्वरुप तीन लाख रुपैयाँ राहत दिने र घटनाको छानबिन गर्न संघीय सरकारले गठन गरेको समितिलाई सहजीकरण गर्ने निर्णय गरेको छ ।

कोशी प्रदेश नामकरण खारेज गर्नुपर्ने माग गर्दै चैत ५ गते विराटनगरमा भएको पहिचानवादीको विरोध कार्यक्रममा घाइते भएका लिम्बुको चैत १० गते मृत्यु भएको थियो ।


प्रकाशित : चैत्र १३, २०७९ १७:५६
प्रतिक्रिया
पठाउनुहोस्

भीरबाट खसेको ढुंगा लागेर पाल्पामा एकको मृत्यु

माधव अर्याल

पाल्पा — पाल्पाको रैनादेवी छहरा गाउँपालिका–८, सत्यवतीमा भीरबाट खसेको ढुंगा लागेर एक जनाको मृत्यु भएको छ । स्थानीय ७० वर्षीय रनबहादुर रेश्मीको मृत्यु भएको हो ।

जिल्ला प्रहरी कार्यालयका अनुसार घर नजिकैको भल्टेखानी गैरामा खानेपानीको पाइप बनाउन गएका रेश्मीलाई माथिल्लो भागबाट खसेको ढुंगाले लागेर मृत्यु भएको हो ।

आफन्तहरु खोजतलास गर्दै जाँदा रेश्मी खोल्सामा मृत अवस्थामा भेटिएको र प्रहरी चौकी बल्ढेङगढीले अनुसन्धानमा माथिल्लो भेगबाट खसेको ढुंगाले लागेर मृत्यु भएको देखिएको जनाएको छ ।

प्रारम्भिक अनुसन्धानपछि शव पोष्टमार्टमका लागि लुम्बिनी प्रादेशिक अस्पताल बुटवल लगिएको प्रहरी नायव उपरीक्षक तथा सूचना अधिकारी वीरेन्द्र थापाले जानकारी दिए । घटनाको थप अनुसन्धान भइरहेको प्रहरीले जनाएको छ ।

प्रकाशित : चैत्र १३, २०७९ १७:५१
पूरा पढ्नुहोस्
प्रतिक्रिया
पठाउनुहोस्
×