पूर्वी नाकाबाट कस्तुरीको बिना तस्करी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
बिर्तामोड — वन्यजन्तुको अंग चोरी तस्करी गर्न संगठित गिरोहले पूर्वी नाका प्रयोग गर्न थालेका छन् । सशस्त्र प्रहरीले हालै संरक्षित स्तनधारी कस्तुरी मृगको बिना (नाभी) भारतबाट नेपालतर्फ तस्करी हुँदै गर्दा बरामद गरेको छ ।
![](https://assets-cdn.ekantipur.com/uploads/source/ads/900x100-1172024092759.gif)
![पूर्वी नाकाबाट कस्तुरीको बिना तस्करी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/bina-picture-1-3112023065409-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
गत पुस २९ गते राति साढे १२ बजे झापाको मेचीनगर नगरपालिका–४ स्थित सशस्त्र प्रहरी बल बोर्डर आउट पोस्ट बाहुनडाँगीले कस्तुरीको १६ दशमलव ४३० ग्राम तौल भएको बिना (नाभी) बरामद गरेको थियो । महोत्तरी बर्दीबास नगरपालिका ३ गौरीबासका ४४ वर्षीय यादवराज घिमिरेले मध्यरातमा शरीरभित्र लुकाइछिपाइ ल्याएको सेतो–खैरो रौंले ढाकिएको वस्तु प्रतिबन्धित सामान हुन सक्ने आशंकामा बीओपी बाहुनडाँगीबाट मोबाइल गस्तीमा खटिएको सशस्त्र प्रहरी निरीक्षक विदुर भट्टराई नेतृत्वको टोलीले नियन्त्रणमा लिएको थियो ।
उक्त वस्तु विधिविज्ञान प्रयोगशाला खुमलटारबाट दुर्लभ कस्तुरीको बिना (नाभी) भएको प्रमाणित भएर आएको डिभिजन वन कार्यालय झापाका प्रमुख जीवन पाठकले जानकारी दिए । सशस्त्र प्रहरीको टोलीले घिमिरेको साथबाट ९ किलो ७८ ग्राम चाँदीका विभिन्न गरगहना समेत बरामद गरेको थियो ।
प्रहरीले घिमिरेको साथबाट पाउजु, बिच्छी, ब्रास्लेट, चम्चा, औंठी, चावी रिङ, कछुवा, साडी पिनलगायतका चाँदीका तयारी सामान बरामद गरेको हो । मध्यरातमा मे ५ प २२०४ नम्बरको मोटरसाइकमा भारतबाट नेपालतर्फ आउँदै गरेका घिमिरेलाई रोकी चेकजाँच गर्ने क्रममा दुर्लभ वन्यजन्तुको अंक, चाँदीका सामानसहित घिमिरेलाई नियन्त्रणमा लिइएको हो । घिमिरेलाई आवश्यक कारबाहीका लागि डिभिजन वन कार्यालयमा बुझाइएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)