![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
परासी — नारायणगढ–बुटवल सडक खण्ड विस्तारको दोस्रो पटक थपिएको म्याद सकिँदा काम भने ५३ प्रतिशत मात्र भएको छ । दोस्रोपटक थपिएको म्याद मंगलबार पूरा भएको हो ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/20240721133938-2372024021934-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/20240721135554-2372024021940-1000x0.jpg&w=1001&h=0)
२०७५ चैत ८ बाट सुरु भएको सडक बिस्तारको कामले तीव्रता नपाउँदा यात्रुले कष्टकर यात्रा गर्न बाध्य छन् । हिउँदमा धूलो र वर्षामा हिलोले यातायात सञ्चालनमा समस्या पर्दै आएको छ । तर ठेकेदार कम्पनी चाइना स्टेट कर्पोरेसनले विभिन्न बहाना बनाउँदै काममा ढिलाइ गरेको हो । सरकारी पक्षले सडक विस्तारको कामलाई तीव्रता दिन ठेकेदारलाई निर्देशन दिए पनि सम्झौता अनुसार काम नभएको नारायणगढ बुटवल सडक विस्तार आयोजना पूर्वी खण्डका प्रमुख आशिष थापाले बताए ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/20240721140829-2372024022017-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/20240721134607-2372024021953-1000x0.jpg&w=1001&h=0)
दोस्रो पटक थप भएको समयमा पनि योजना अनुसार काम नगरेको ठेकेदार पक्षले थप १८ महिना म्याद थप्न प्रस्ताव गरेको छ । तर, सरकारी पक्षले काम सम्पन्न हुने स्पष्ट आधार तय भएमा १ वर्ष म्याद थप्न सकिने बताएको छ । दुई खण्डमा निर्माणाधीन यो सडकको लागत १६ अर्ब ९९ करोड रुपैयाँ छ । नारायणगढ–दाउन्ने र दाउन्ने–बुटवल खण्डको १ सय १३ किलोमिटर सडक विस्तारको काम भइरहेको हो ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/20240721142345-2372024022005-1000x0.jpg&w=1001&h=0)
![](https://assets-cdn.ekantipur.com/uploads/source/ads/900-x-100-1-0282024055738.gif)