कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १४९

विभेद किन ?

पाठक पत्र

मसमेत कार्यालयका केही कर्मचारी साथीहरू विदेश भ्रमणबाट त्रिभुवन अन्तर्राष्ट्रिय विमानस्थलबाट बाहिरिने क्रममा आगमन कक्षमा लाइन लागेर देखाउनका लागि हातमा कोरोनाको क्यूआर कोडको प्रिन्ट लिएर उभिएका थियौं । अगाडि तीन जना साथी थिए ।

हाम्रो पालो आएपछि कोड हेर्ने कर्मचारीले अगाडिका साथीहरूलाई कोड नहेरीकनै पठाए । म पनि उनीसँगै पछि लाग्न खोजेँ तर ती कर्मचारीले मलाई रोके र कोड देखाउन भने । म पनि उहाँहरूसँगै हो मात्र भनें ।

म उहाँसँग कुरा गर्न चाहिनँ र हातमा लिई राखेको प्रिन्ट देखाएँ अनि म अगाडि बढेँ । लगेज लिने ठाउँमा ती साथीहरूलाई सोधेँ कि तपार्इंहरूले ती कर्मचारीलाई चिन्नुभएको हो कि तपाईंहरूको कोड नहेरीकन जान दिनुभएको हो ? ती साथीहरूले चिनेको होइन भन्ने जवाफ दिए ।

अनि म सोच्न थालेँ कि मसँग किन कोड मागिएको होला । हामीले सबै जना अफिसको लोगो भएको ज्याकेट लगाएका थियौं । यसो हेर्दा हाम्रा लुगामा खासै केही फरक थिएन तर एउटा फरक रहेछ त्यो थियो अनुहारको । मेरो अनुहार मधेशी अनुहार थियो ।

सायद त्यसैले होला ती पहाडे अनुहारका कर्मचारीले त्यस्तो फरक व्यवहार देखाएका थिए ।
– कमलेश ठाकुर, कालिकामाई–५, पर्सा

प्रकाशित : जेष्ठ १०, २०८० ११:४८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?