कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १५५

प्रतिकूल परिस्थितिमा क्रिकेटले जगाएको उत्साह

पाठक पत्र

काठमाडौँ — क्रिक्रेट कमै नेपालीले बुझ्ने खेल हो तर केही वर्षयता यसको लोकप्रियता बढिरहेको छ । गत बिहीबार यूएईलाई हराएर नेपाल विश्वकप छनोट चरणमा प्रवेश गर्‍यो ।

योसँगै नेपाल अब क्रिकेटमा बलिया देशहरूसँग विश्वकपमा आफ्नो स्थान सुरक्षित गर्न प्रतिस्पर्धा गर्नेछ । आर्थिक, राजनीतिक र सामाजिक क्षेत्रमा देखिएको संकटका कारण निराशा छाए पनि क्रिकेटले भने उत्साह जगाएको छ । नेपालको खेल हेर्न कीर्तिपुरमा हजारौं दर्शकको उपस्थिति थियो । दर्शकहरूको मायालाई खेलाडीहरूले निराश बनाएनन् । खेलाडी र दर्शकले क्रिक्रेटलाई माया गरे पनि सरकार र यसको विकासका लागि बनाइएका संस्थाहरूले भने प्राथमिकता राखेका छैनन् । क्रिकेटको विकास गर्न यसमा लगानी बढाउनु जरुरी छ । राम्रो क्रिकेट मैदानबाहेक खेलाडीहरूलाई व्यावसायिक बनाएर क्रिकेटलाई जीविकोपार्जनको माध्यम बनाउनुपर्छ ।
– तिलप्रसाद न्यौपाने, माछापोखरी, काठमाडौं

यूएईले गत बिहीबार भएको खेलको अन्तिम ५ ओभरमा ८० रन बनाएपछि दर्शक स्तब्ध थिए । यो खेल नेपालका लागि सर्वाधिक महत्त्वपूर्ण थियो । तर, त्यस क्षण अब त हारिन्छ भन्ने लागिसकेको थियो । नपत्याउने तरिकाले दोस्रो इनिङमा जसरी नेपाल लयमा फर्कियो र खेल नै जित्यो, त्यसलाई निकै अनुकरणीय मान्नुपर्छ । नेपालको ब्याटिङ निकै मजबुत भएको रहेछ । खेलाडीहरूको खेल्ने शैली पनि आक्रामक थियो । त्रिदेशीय प्रतिस्पर्धाका १२ मध्ये ११ खेल जित्नुलाई ऐतिहासिक सफलता मान्नुपर्छ । हुन त, जिम्बावेमा नेपाललाई श्रीलंका, दक्षिण अफ्रिका, वेस्ट इन्डिजजस्ता टेस्ट क्रिकेटमा मान्यता प्राप्त हस्तीसमेतसँगको प्रतिस्पर्धा त्यति सरल नहोला । तर नेपालका ‘मिडिल अर्डर’ का खेलाडीको धैर्य, आँट र अठोटले निरन्तरता पाउँदा उत्कृष्ट नतिजा प्राप्त हुने विश्वास राख्न सकिन्छ ।
– भुवनेश्वर शर्मा, चन्द्रागिरि–२, काठमाडौं

प्रकाशित : चैत्र ५, २०७९ ११:०८
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?