कान्तिपुर वेबसाईट
AdvertisementAdvertisement
२७.१२°C काठमाडौं
काठमाडौंमा वायुको गुणस्तर: १६६

राष्ट्रपति सबैका साझा

पाठक पत्र

कांग्रेसका अनुभवी नेता रामचन्द्र पौडेल नेपालको तेस्रो राष्ट्रपति बन्न सफल भए । ०४६/४७ को राजनीतिक परिवर्तनपछि विभिन्न उच्च ओहोदामा बसेर काम गर्दा पौडेलमाथि भ्रष्टाचारको आरोप लागेको पाइँदैन ।

यद्यपि सत्रौं पटकसम्म प्रधानमन्त्रीको प्रतिस्पर्धामा सफलता नपाउँदा पौडेल विक्षिप्त पनि बने । लामो समयसम्म हन्डर खानुपरे पनि राष्ट्रप्रमुख हुन पुग्दा उनको खुसी चुलिएको छ । विभिन्न राजनीतिक दलबीचको टकराव, पार्टीभित्रको खिचातानी, भागबन्डाको संस्कृतिले मुलुक र समाजमाथि निरन्तर प्रहार थपिरहेको छ भने दुई छिमेकीसँगको असफल कूटनीतिका कारण हामी घरको न घाटको बन्ने अवस्थामा छौं । विभिन्न शीर्षनेतामा परराष्ट्र नीतिबारे स्पष्टता नहुँदा शक्तिराष्ट्रबाट आउनेहरूले व्यक्तिपिच्छे कानेखुसी गर्ने, राजनीतिक वातावरण धमिल्याएर खैलाबैला मच्चाउनसम्म भ्याए ।

यता विकास कार्यको कछुवा गति, ठेकेदारको मनोमानी, अनियन्त्रित भ्रष्टाचार, सामाजिक अपराधका कारण मुलुक आक्रान्त बनेको छ, साथै आर्थिक दुरवस्थाले सीमा नाघेको छ । तसर्थ अरूको दुःखदर्द बुझ्ने, घरपरिवार, समाजको कथाव्यथा महसुस गर्ने, कसैमाथि विभेद नगर्ने, मुलुकको आर्थिक, सामाजिक विकासमा दत्तचित्त रहने, भाषा, साहित्य, कला, संस्कृतिको संरक्षण, संवर्द्धन र प्रवर्द्धनको काममा राष्ट्रपति तल्लीन रहनु आवश्यक छ ।
– भुवनेश्वर शर्मा, चन्द्रागिरि–२, काठमाडौं

प्रकाशित : चैत्र १, २०७९ ११:०७
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक जग्गा कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?