एक्स्काभेटरको बकेटमा जोखिमपूर्ण यात्रा
सिन्धुपाल्चोक — बाह्रबिसे नगरपालिका प्रमुख बालकृष्ण बस्नेतका अनुसार फड्के तत्काल बनाइने क्रममा रहेकाले सोमबार र मंगलबार स्थानीयलाई आउजाउ गर्न एक्स्काभेटर प्रयोगमा ल्याइएको हो । बाह्रबिसे नगरपालिकाबाट तीन एक्स्काभेटर त्यहाँ यातायात सूचारु गर्न प्रयोग गरिएको नगर प्रमुख बस्नेतले बताए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![एक्स्काभेटरको बकेटमा जोखिमपूर्ण यात्रा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/excavator-yatra-1-1772024103227-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
मंगलबार सीमाक्षेत्र र खोला पारिका विभिन्न स्थानमा हिंडेका स्थानीय बाह्रबिसेमै अलपत्र परेपछि उनीहरूका लागि एक्स्काभेटर प्रयोग गरिएको हो । बाह्रबिसे नगर–५ जम्बु हिँडेका तामाङ टोलकी सानुमाया तामाङले पहिलो पटक एक्स्काभेटरबाट यात्रा गर्नुपरेकामा अचम्मित भएको सुनाइन् ।
‘अब फड्के बन्दैछ, फड्के बनेपछि डोजरबाट यात्रा गर्नुपर्ने छैन, घर जान अन्य विकल्प नभएपछि अहिले यसरी जानु परेको हो,’ उनले भनिन् । उनीझै दुई दर्जन स्थानीयले मंगलबार एक्स्काभेटरको बकेटमा चढेर खोला वारपार गरेको बताए । ‘नहुनुभन्दा यही भए पनि खोला तर्ने माध्यम बनिदियो,’ स्थानीय नारायण श्रेष्ठले भने ।
बाह्रबिसे नगरपालिका–३ र ५ लाई जोड्ने यस खोलामा दुईवटा क्रेन प्रयोग गरी बेलिब्रिज तानेर पुरानै स्थानमा पुनःस्थापना गर्न थालिएको छ । बाह्रबिसे तातोपानी सडक खण्डको २६ किलोमिटरमध्ये खाग्दलबाहेक दसकिलो, लिपिङ खण्डमा पनि बर्खे खोला र पहिरोले अवरोध पुर्याउँदै आएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)