खोटाङमा पहिरोले अवरुद्ध मध्यपहाडी लोकमार्ग खुल्यो

हलेसी तुवाचुङ–७ महादेवस्थानका वडाध्यक्ष कमल गिरीका अनुसार मंगलबार बिहान ३ बजेतिर झरेको पहिरो पन्छाउन तीन वटा डोजर प्रयोग गरिएको थियो । ‘सडक विभाग, मध्यपहाडी लोकमार्ग र हलेसी तुवाचुङ नगरपालिकाको तीन वटा डोजरले दोहोरो गाडी चल्ने बनाउन दिनभरिजस्तो लाग्यो,’ गिरीले भने, ‘दिउँसो १ बजेतिर एकतर्फी खुलाइएको थियो ।’

उक्त ठाउँमा करिब ७०–७५ मिटरमाथिबाट झरेको पहिरोले करिब ५० मिटर सडक पुरेको गिरीले बताए ।