एकै दिन १७ जना फरार प्रतिवादी पक्राउ

जिल्ला प्रहरी कार्यालय नवलपरासीका डीएसपी रेशम बोहराका अनुसार जिल्ला प्रहरी कार्यालय र मातहतका प्रहरी इकाइले अभियान नै चलाएर फरार अभियुक्त समातेको हो । पक्राउ परेकाहरुलाई कैद र सजाय भुक्तानीका लागि जिल्ला अदालत नवलपरासीमा पेस गरिएको छ ।

सवारी ज्यान, जालसाझी, कुटपिट, अंगभंग, चेक अनादार लगायत मुद्दाका फरार अभियुक्त हुन् । उनीहरुबाट १३ वर्ष १ महिना १९ दिन कैद भुक्तान र ५ लाख ९० हजार रुपैयाँ जरिवाना असुल भएको छ । गत आर्थिक वर्षमा प्रहरीले ५ सय ९ जना फरार अभियुक्त पक्राउ गरेको थियो ।