हेलम्बु गाउँपालिका–१ स्थित भ्रेमाथाङ चौरबाट जमिनै सोहोरेर खसिरहेको बाढीले मेलम्ची खोलाको तटीय क्षेत्रमा क्षति थप बढेको छ। हेलम्बु गाउँपालिकाका चनौटे, ग्याल्थुम, मेलम्ची नगरको तालामाराङ र मेलम्ची बजारमा कटान नरोकिँदा दिनहुँजसो घरटहरा बगिरहेका छन् ।
डेढ महिनाको अवधिमा मेलम्ची खोलामा दोस्रो पटक आइतबार आएको भीषण बाढीले हेलम्बु–मेलम्ची किनारको करिब ४० किमि क्षेत्रलाई थप तहसनहस बनाएको छ । बाढीले बस्ती, मोटरेबल पुल, सडक र खेतीयोग्य जमिन बगाएको छ । खोला छेउछाउ बस्दै आएका बासिन्दा झन् जोखिममा परेका छन् ।
असारमा उर्लिएको मेलम्ची बाढीले हेलम्बु गाउँपालिका र मेलम्ची नगरको तटीय क्षेत्रको अधिकांश बजार र गाउँ बगर तुल्यायो । शनिबार त्यही बाढी दोहोरियो । स्थानीयमा भागभाग चल्यो । हेलम्बु गाउँपालिकाको वडा–१ स्थित सेमेसिदाङ हिमश्रृंखलाको काख भीमथाङबाटै आइरहेको कालो लेदोसहितको बाढीलाई स्थानीय र जनप्रतिनिधिले आफ्नै अनुमान लगाए ।
मेलम्ची नगरपालिकाका श्याम खड्काले आफूलाई थोरै मात्रै जग्गा राखे । धेरै जग्गा बाँडेरै सिध्याए । दुई सञ्चारमाध्यम, प्रमुख राजनीतिक दल, कलाकार, नगरपालिकालगायत स्थानीयलाई आफ्नो नाममा रहेको जग्गा दिएर उनी दानवीर कहलिए । जग्गा बाँड्दै हिँड्ने खड्का अहिले आफैं सुकुम्बासी भएर छिमेकीको गोठमा आश्रय लिइरहेका छन् ।
भोटेकोसी गाउँपालिका–२ स्थित चीन जोड्ने तातोपानी नाकाबाट महिना दिनयता मालवाहक सवारी आउजाउ ठप्प छ । सीमावर्ती क्षेत्र लिपिङ बजार जोड्ने लिपिङ मोटरबेल पुल र कोदारी राजमार्ग (२६ किलोमिटर) को लार्चा–कोदारी बजार क्षेत्रको सडक भासिँदा गत असार १ देखि ठप्प नाका सञ्चालनमा आउन सकेको छैन ।
अझैसम्म सडक सञ्जालमा नजोडिएको जुगल गाउँपालिकाको दिपु, तेगा र तेम्बाथान पुग्ने एक मात्र माध्यम नेसम खोलाको झोलुंगे पुल बाढीले बगाएको एक महिना भइसकेको छ । तर पुल मर्मतका लागि स्थानीय तह तथा अन्य सरोकारवालालाई गुहार्दा पनि सुनुवाइ नभएपछि स्थानीयले चन्दा उठाएर उक्त स्थानमा तुइन बनाउन थालेका छन् ।
