सफा हिमाल अभियान–२०२४ टोली स्याङ्बोचेमा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — सफा हिमाल अभियान–२०२४ मा संलग्न टोली आइतबार स्याङ्बोचे पुगेको छ । नेपाली सेनाका अनुसार टोली सगरमाथा ल्होत्से र नुप्त्से हिमाल सफाइको लागि गएको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![सफा हिमाल अभियान–२०२४ टोली स्याङ्बोचेमा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/2-4-1442024031342-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
टोलीमा १२ जना सैनिक र १ जना शेर्पा सरदारसहित १३ जना रहेको छ । टोली नेपाली सेनाको हवाई साधनमार्फत स्याङ्बोचे इलाकामा पुगेको हो ।
अभियानलाई प्रभावकारी बनाउन स्थानीय जनसमुदायहरूसँग अन्तर्क्रिया गर्दै करिब ७ दिनको पदयात्रा गरेर टोली सगरमाथा आधार शिविर पुग्ने योजना रहेको सेनाले जनाएको छ । ‘पदयात्राको क्रममा सचेतना अभिवृद्धि तथा अभियानको प्रचार प्रसारको लागि पदमार्गको सरसफाइसमेत गरिनेछ,’ सेनाको विज्ञप्तिमा उल्लेख छ ।
सगरमाथा, ल्होत्से र नुप्त्से हिमालका विभिन्न क्याम्पहरूबाट करिब १० टन फोहोर र ५ वटा मानव शव संकलन गर्ने टोलीको लक्ष्य छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)
प्रतिक्रिया