पूर्वाञ्चल विश्वविद्यालयको उपकुलपति बन्न १८ आवेदन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — पूर्वाञ्चल विश्वविद्यालयको उपकुलपति बन्न १८ जनाले आवेदन दिएका छन् । शिक्षामन्त्री अशोकुमार राई संयोजकत्वमा गठित उपकुलपति छनोट तथा सिफारिस समितिले दरखास्त माग गरेको थियो । सो क्रममा समितिमा १८ जनाले आवेदन दिएका हुन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![पूर्वाञ्चल विश्वविद्यालयको उपकुलपति बन्न १८ आवेदन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/42314759832908660212177936794111089485036113n-2122024014129-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
समितिका अनुसार तोयनारायण पौडेल, शुभनारायण पाठक, अनिलकुमार पोख्रेल, जीवनकुमार ढकाल, अशोककुमार झा, गुरुप्रसाद खनाल, प्रमोदप्रसाद झा, बिजुकुमार थपलिया, बिनोद पराजुली र देवीप्रसाद भट्टराईले उपकुलपतिका लागि आवेदन दिएका छन् ।
त्यस्तै, राजनारायण यादव, नरेन्द्र कटुवाल, उमेश कोइराला, संजेश प्रसाद कोइराला, राजकुमार पोख्रेल, रमेशबहादुर थापा, रमेशप्रसाद भट्टराई र महेशराज दाहालले पनि उपकुलपतिका लागि आवेदन दिएका छन् । पूर्वाञ्चल विश्वविद्यालयको उपकुलपति बन्न इच्छुक प्राध्यापकसँग फागुन ८ भित्र आवेदन माग गरिएको थियो ।
समितिमा शिक्षा सचिव सुरेश अधिकारी र राष्ट्रिय योजना आयोगका शिक्षा हेर्न सदस्य रमेशचन्द्र पौडेल सदस्य छन् । खुला पतिस्पर्धाको आधारमा उपकुलपति चयन र नियुक्त गर्न भन्दै समितिले कार्यविधि सहित आवेदन माग गरेको थियो ।
त्रिभुवन विश्वविद्यालयसहित पूर्वाञ्चल, मध्यपश्चिम र सुदूरपश्चिम विश्वविद्यालयमा प्राध्यापकबाट दरखास्त माग गरेर प्रतिस्पर्धाका आधारमा उपकुलपति छनोट तथा नियुक्ति गर्ने व्यवस्थाको थालनी गरिएको थियो । तर मध्यपश्चिम र सुदुरपश्चिम विश्वविद्यालयको लागि गठित समितिले भने उपकुलपति छनोट र नियुक्तिको प्रक्रिया स्थगित गरेको छ ।
प्राध्यापकहरुको दबावपछि प्रधानमन्त्री तथा कुलपति पुष्पकमल दाहालको निर्देशनमा प्रक्रिया स्थगन गरिएको समितिले जनाएको छ । त्रिवि र पूर्वाञ्चलमा उपकुलपति बन्न अनुसन्धान तर्फको अंक बढी राखिएको थियो । त्यसमा प्राध्यापकहरुले नै आपत्ति जनाएपछि प्रक्रिया रोकिएको समितिका एक सदस्यले बताए ।
मध्यपश्चिम र सुदूरपश्चिममा विश्वविद्यालय अनुदान आयोगका अध्यक्ष देवराज अधिकारी, शिक्षा सचिव अधिकारी र योजना आयोगका सदस्य पौडेल रहेको समिति बनेको छ । यी विश्वविद्यालयमा उपकुलपतिको कार्यकाल सकिनुअघि नै नयाँ नियुक्तिको प्रक्रिया अघि बढाइएको थियो । सुदूरपश्चिम, पूर्वाञ्चलमा उपकुलपति अम्मराज जोशी र यादवराज कोइरालाको कार्यकाल फागुन तेस्रो साताबाट सकिँदै छ । मध्यपश्चिमका उपकुलपति नन्दबहादुर सिंहको कार्यकाल पनि फागुन १८ मा सकिँदै छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)