महानगरद्वारा हाँडीगाउँकाे सम्पदा पुनः निर्माणकाे अनुगमन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — काठमाडौं महानगरपालिकाको अनुगमन समितिले बिहीबार हाँडीगाउँमा पुनःनिर्माण भइरहेका सम्पदाहरूको भौतिक अवस्थाको अनुगमन गरेको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![महानगरद्वारा हाँडीगाउँकाे सम्पदा पुनः निर्माणकाे अनुगमन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sampada-puna-nirman-anugaman-2572024051251-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
महानगरले धन गणेश परिसरमा रहेको सत्तल र मालीगाउँमा रहेको मैतीअजिमा द्योः छोः को निर्माण शैली, शिल्प, निर्माण सामग्री, कला र अमूर्त पक्षको अनुगमन गरेको हो ।
अनुगमन समितिका संयोजक एवं महानगरकी उपप्रमुख सुनिता डंगोलले पुनःनिर्माणका लागि उपभोक्ता समिति सक्रिय हुनु सबल पक्ष रहेको बताइन् । ‘नेवा शैलीमा निर्माण भएका सम्पदा काठमाडौंको पहिचानसँग जोडिएका स्मारक हुन्,’ अनुगमनको क्रममा डंगोलले भनिन्, ‘परम्परागत विधिको पुनःनिर्माण शैली अनुकरणयोग्य छ ।’
मालीगाउँमा रहेको मैतीअजिमा द्योः छोः २०७२ सालको भूकम्पमा जीर्ण भएको थियो । यसको २०७७ पुसबाट पुनःनिर्माण सुरू भई २०७८ मंसिर २८ गते सम्पन्न भएको महानगर सम्पदा तथा पर्यटन विभागकी प्रमुख कुमारी राईले जानकारी गराइन् ।
‘यसकाे पुनःनिर्माण ६४ लाख १४ हजार रुपैयाँ लागतमा सम्पन्न भयो । लागतकाे ७ प्रतिशत उपभोक्ता समितिले व्यहारेको थियो,’ विभागीय प्रमुख राईले भनिन् ।
यसैगरी धनगणेश सत्तलको पुनःनिर्माण कार्य समय अघि नै २०८० को असारमा सम्पन्न भइसकेको महानगरकी इञ्जिनियर रुपा डंगोलले बताइन् । सत्तल पुनःनिर्माणमा ७२ लाख ११ हजार रुपैयाँ लागत लागेकाे उनले सुनाइन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)