हरिवंश भन्छन् : पहिले लेख्थे-पढ्थे, अहिले सामाजिक सञ्जालमा भुल्छन्
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — वरिष्ठ कलाकार हरिवंश आचार्यले सामाजिक सञ्जालले पठन संस्कृति ओझेलमा पारेको टिप्पणी गरेका छन् । उनले साहित्यबिनाको समाज परिकल्पना गर्न नसकिने भन्दै आफ्नो भाषा, साहित्य र संस्कृतिको जगेर्ना गर्नु हरेक जनप्रतिनिधिको दायित्व र कर्तव्य भएको बताए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![हरिवंश भन्छन् : पहिले लेख्थे-पढ्थे, अहिले सामाजिक सञ्जालमा भुल्छन्](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/dsc00240-2322024094658-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
शुक्रबार बूढानीलकण्ठ सांस्कृतिक-साहित्यिक महोत्सव २०८० को उद्घाटन कार्यक्रममा वरिष्ठ कलाकार आचार्यले सामाजिक सञ्जालले पठन संस्कृतिलाई मृत बनाएको बताए ।
'हिजोआज साहित्य र पठन संस्कृतिलाई सामाजिक सञ्जालले ओझेलमा पारेको छ । पहिले समय मिल्नेबित्तिकै मानिसहरू साहित्य लेख्थे, पढ्थे । अहिले सामाजिक सञ्जालमा भुल्छन्,' उनले भने, ' भावी पुस्तामा किताब संस्कृतिको महत्त्व बुझाउनुपर्ने आवश्यकता निकै चुनौतीपूर्ण छ ।’
स्थानीय जनप्रतिनिधिबाट पठन संस्कृति विस्तारका लागि देशका विभिन्न क्षेत्रका साहित्यकारलाई जुटाएर बूढानीलकण्ठ नगरपालिकाले सांस्कृतिक सद्भाव झल्कने कार्यक्रम गर्ने प्रयास गरेको भन्दै उनले प्रशंसा गरे ।
कुनै पनि कला र कलाकार साहित्यभन्दा पर रहन नसक्ने भन्दै उनले आफू र मदनकृष्ण श्रेष्ठको काम पनि सधैं साहित्यकै नजिक रहेको दाबी गरे । शुक्रबार र शनिबार चल्ने महोत्सवमा साहित्यकार एवम् लेखक झमक घिमिरेलाई सम्मानसमेत गरिएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)