कान्तिपुर वेबसाईट
AdvertisementAdvertisement
२७.१२°C काठमाडौं
काठमाडौंमा वायुको गुणस्तर: १६६

'गोर्खा वारियर'को प्रिमियर बेलायतमा

काठमाडौँ — गोर्खाको वीरतामाथि बनेको फिल्म 'गोर्खा वारियर'को प्रिमियर बेलायतमा हुने भएको छ । मिलन चाम्स निर्देशित फिल्म भदौ २४ गते सिनेवर्ल्ड लेस्टर स्क्वायर आइम्याक्स हलमा प्रिमियर गरिने निर्माण टिमले जनाएको छ ।

'गोर्खा वारियर'को प्रिमियर बेलायतमा

निर्देशक चाम्सले यो हलमा फिल्म प्रदर्शन गर्ने आफ्नो सपना पूरा हुन २० वर्ष लागेको समेत बताए । गोर्खालीको कथालाई पर्दासम्म ल्याउन सहज थिएन । 'जसरी गोर्खालीले लडाइँ लडे त्यसरी नै अहिले म संघर्ष गर्दैछु, हलिउडका कलाकारलाई प्रिमियरमा हिँडाउन,'चाम्सले भने । चाम्सका अनुसार प्रिमियरका लागि बेलायती राजपरिवारका सदस्यदेखि सांसद, स्थानीय निकायका प्रमुख, बेलायती सेनाका जनरल, गोर्खा रेजिमेन्ट अधिकृत, नेपाली दूतावास, सेलेब्रिटीसम्मलाई निम्तो दिएका छन् ।

सन् १९४९ को मलाया जङ्गलमा बेलायती सेनामा आबद्ध गोर्खा सैनिकले लडेको लडाइँको कथा फिल्ममा समेटिएको छ । नेपाली, अंग्रेजी र हिन्दी भाषामा प्रदर्शन गर्ने तयारी रहेको फिल्ममा कलाकारहरु रितेश चाम्स, विजय लामा, रेविका गुरुङ, रियर राई, शिशिर बाङ्देल, कविता आले, बिरुप घले, सारा राईलगायतको अभिनय छ ।

निर्देशक चाम्स र गिरिराज घिमिरेले मिलेर लेखेको कथामा बनेको फिल्मलाई मिलन श्रेष्ठले सम्पादन गरेका हुन । सुदीप बरालले खिचेको फिल्ममा हिमाल केसीको द्वन्द्व निर्देशन छ ।

प्रकाशित : जेष्ठ ११, २०८० १२:१५
प्रतिक्रिया
पठाउनुहोस्
जनताको राय

स्वयंसेवी संस्था स्काउटको स्वामित्वमा रहेको सार्वजनिक जग्गा कब्जा गरी वर्षौंदेखि भाडामा लगाउने कांग्रेसका सांसद दीपक खड्कालाई अब के गर्नुपर्छ ?