बर्लिनमा नेपाली लघु फिल्मलाई 'स्पेसल जुरी मेन्सन' अवार्ड
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — बर्लिन फिल्म फेस्टिभलमा नेपाली लघु फिल्म 'सङ्ग्स अफ लभ एण्ड हेट'ले स्पेसल जुरी मेन्सन अवार्ड जितेको छ । विश्व चर्चित फिल्म फेस्टिभलको जेनेरेसन १४ प्लसतर्फ छनौट भएको यो फिल्मले स्पेसल मेन्सन जितेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![बर्लिनमा नेपाली लघु फिल्मलाई 'स्पेसल जुरी मेन्सन' अवार्ड](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/berlin-2422024044445-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
जेनेरेसन १४ प्लसतर्फ योसँगै अन्य आठ अवार्ड घोषणा गरिएको थियो । सौरभ घिमिरेद्वारा निर्देशित १७ मिनेटको फिल्ममा रेडियोमार्फत प्रेमको परामर्श दिँदै हिँड्ने प्रस्तोता प्रेम पात्रले अनुभव गर्ने विछोड र त्यसपछि गर्ने यात्राको कथा समेटिएको छ ।
यो फिल्म निर्देशक सौरभको स्नातकोत्तर गर्दाको ग्र्याजुएसन प्रोजेक्ट हो । बेल्जियमको 'लुका स्कुल अफ आर्ट'बाट निर्देशनतर्फ स्नातकोत्तर गरेका सौरभले आफूसँग भएका अर्काइभ फुटेजमार्फत यो फिल्म बनाएका हुन् । यो फिल्म परम्परागत फिल्म निर्माणको शैलीभन्दा फरक तवरमा बनेको छ । सम्पादन टेबलमै करिब पाँच महिना काम गरेपछि फिल्म तयार भएको हो । फिल्मलाई मिङ्सो लिम्बूले निर्माण गरेका हुन् । 'शाम्बाला' लिएर बर्लिन पुगेका निर्देशक मीन भाम पनि फिल्मका अर्का निर्माता हुन् ।
![](https://assets-cdn.ekantipur.com/uploads/source/ads/900-x-100-0172024023126.gif)