बर्लिनमा 'द सङ अफ लभ एन्ड हेट'को प्रिमियर
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — बर्लिन फिल्म फेस्टिभलको जेनेरेसन १४ प्लसमा छनौट भएको नेपाली लघु फिल्म 'द सङ अफ लभ एन्ड हेट'को वर्ल्ड प्रिमियर सम्पन्न भएको छ । सौरभ घिमिरे निर्देशित फिल्म बर्लिनको ऐतिहासिक हल किनो इन्टरनेश्नलमा प्रिमियर भएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![बर्लिनमा 'द सङ अफ लभ एन्ड हेट'को प्रिमियर](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/-2222024094320-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
निर्माण टिमका अनुसार फिल्मको दुई सो अझै प्रदर्शन हुन बाँकी छ । प्रिमियरमा दर्शकको सकरात्मक प्रतिक्रिया प्राप्त भएको निर्माता मिङ्सो लिम्बूले जनाए । 'दर्शकसँगको अन्तरक्रिया पनि गजब्बकै भयो । हाम्रो फिल्ममा समाजका केही मुद्दाहरू उठाइएका छन् । त्यसले युवामा प्रभाव पारेछ,'निर्माता लिम्बूले भने,'केही फिल्मकर्मीले त साउथ एसियाबाट अर्काइभल फुटेजमा काम गर्ने फिल्मकर्मी आयो भन्ने प्रतिक्रिया दिँदै थिए । त्यसले हामीमा उत्साह थपेको छ ।'
यो फिल्मका अर्का निर्माता हुन्, निर्देशक मिन भाम । १७ मिनेट लामो यो फिल्ममा रेडियोमार्फत प्रेमको परामर्श दिँदै हिँड्ने प्रस्तोता प्रेम पात्रले विछोडमा परिसकेपछि गर्ने यात्राको कथा समेटिएको छ । यो फिल्म निर्देशक सौरभको स्नातकोत्तर गर्दाको ग्र्याजुएसन प्रोजेक्ट हो ।
बेल्जियमको 'लुका स्कूल अफ आर्ट'बाट निर्देशनतर्फ स्नातकोत्तर गरेका सौरभले आफूसँग भएका अर्काइभ फुटेजमार्फत यो फिल्म बनाएका हुन् ।
![](https://assets-cdn.ekantipur.com/uploads/source/ads/900-x-100-0172024023126.gif)