कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: ८२

देउडा जगाउँदै स्वस्तिका

राजबहादुर शाही

मुगु — ‘कर्णालीपारिको त्यही हो क्या हुलाकी बाटो रक्षा गर्‍यौं भगुवान म दुरचारीको ।’ यो गीतले मुगुकी २५ वर्षीया स्वस्तिकालाई भाइरल बनाएको छ ।

देउडा जगाउँदै स्वस्तिका

झन्डै २ साताअघि राष्ट्रिय लोक दोहोरी प्रतिष्ठानले धादिङमा गरेको कार्यक्रममा स्वस्तिकाले दूधे बच्चा पिठ्युँमा बोकेर यो गीत गाएकी थिइन् । स्थानीय पहिरनमा गीत गाएर उनले त्यहाँ उपस्थित गायक र दर्शकको मन जितिन् । त्यसपछि उनलाई राजधानीमा रेकर्डिङ स्टुडियोदेखि लाइभ दोहोरीसम्ममा गीत गाउन भ्यानभ्याइ छ ।

सोरु गाउँपालिकास्थित नुवाकोटकी स्वस्तिका गाउँकै स्कुलमा ८ कक्षा पढिरहेका बेला मादलको धुनमा पहिलो पटक गीत गाउँदा १२ वर्षकी थिइन् । त्यति बेला ‘तिरिरी’ बोलको गीत गाएर उनले त्यतिबेला ४ हजार ६ सय रुपैयाँ पाएकी थिइन् । २१ वर्षको उमेरै विवाह गरेपछि पनि स्वस्तिकामा गाउने जोसजाँगर हराएन । देउडा डाडी भाका गाउँदै आएकी उनले चर्चामा आएको छोटो समयमै एक्ली मैना, दरिह, कर्णालीको सेरोफेरोलगायत बोलका गीत रेडडिङ गरिसकेकी छन् । उनी अहिले आफू गायन क्षेत्रको ढोकामा पुगेको बताउँछिन् । ‘मैलेभित्र पस्न छ,’ उनले भनिन् ।

गीत गाउने अवसर पाइरहे पनि उनले राजधानीमै बस्ने कि फर्कने निर्णय लिन सकिरहेकी छैनन् । एकातिर घरधन्दा, खेतीपातीको जिम्मेवारी छ, अर्कातिर सोरु गाउँपालिकामा अस्थायी जागिर । श्रीमान् असल बमले भने गायन क्षेत्रमा लाग्न हौसला दिँदै आएका छन् । ‘अवसर पाए दुर्गमका महिलाले पनि गर्न सक्छन् भन्ने बुझेकी छु,’ उनले भनिन् ।

प्रकाशित : चैत्र १२, २०७९ ०७:५३
प्रतिक्रिया
पठाउनुहोस्
जनताको राय

बहालवाला मुख्यसचिवमाथि नै भ्रष्टाचार मुद्दा दायर भएको छ । यसबारे तपाईं के भन्नुहुन्छ ?

x