'ए साथी सुन' जेठ ५ मा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — अभिनेत्री वर्षा सिवाकोटी र अभिनेता रमेश बानियाँले अभिनय गरेको फिल्म 'ए साथी सुन'को टिजर सार्वजनिक भएको छ । टिजर रिलिजसँगै निर्माण पक्षले फिल्मको नयाँ प्रदर्शन मिति पनि सार्वजनिक गरेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
!['ए साथी सुन' जेठ ५ मा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/sadf-1432023115356-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
यसअघि चैत्र १० मा प्रदर्शन हुने भनिएको फिल्म प्राविधिक काममा ढिलाई हुँदा आगामी जेठ ५ मा आउने भएको हो । लभस्टोरी, थ्रीलर र कमेडी विधामा बनेको फिल्ममा आयन खड्का, सुशील पोखरेल, जयनन्द लामा, रमेश अधिकारी, विमला गिरीको अभिनय छ । कृष्मा खड्का र इभान सन्जेल बाल कलाकारका रुपमा फिल्ममा देखिने भएका छन् ।
निर्माण टिमका अनुसार 'ए साथी सुन' जयनन्द लामा अभिनित अन्तिम फिल्म हो । राम राघव आचार्यको लेखन तथा निर्देशन रहेको फिल्मलाई बिना कार्की र सन्तोषकुमार राईले मिलेर निर्माण गरेका हुन् । इभान इन्टरटेनमेन्टको प्रस्तुतिमा निर्माण भएको फिल्मको सहनिर्मातामा सुदीप पौडेल हुन् ।
![](https://assets-cdn.ekantipur.com/uploads/source/ads/900-x-100-0172024023126.gif)