नेफ्टा अवार्डको घोषणा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाल चलचित्र प्राविधिक संघले आयोजना गर्दै आइरहेको 'नेफ्टा अवार्ड'को औपचारिक घोषणा भएको छ । अवार्डको ११ औं संस्करण अमेरिकाको टेक्सासमा जेठ १३ मा हुने भएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![नेफ्टा अवार्डको घोषणा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/entertainment/3289317845248767161914816994778808537951982n-0922023121858-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
काठमाडौंमा बिहीबार आयोजित पत्रकार सम्मेलनमा संघले नेफ्टा आयोजकका पदाधिकारीलाई ट्रफी हस्तान्तरण गरिएको छ । साथै, अवार्डको ट्रफी अनावरणसमेत गरियो ।
कार्यक्रममा संघका अध्यक्ष पुष्कर लामाले नेफ्टाको उद्देश्य नेपाली फिल्मलाई अवार्डमार्फत अन्तर्राष्ट्रियकरण गर्ने रहेको बताए । 'विगतदेखि हामीले नेफ्टालाई विभिन्न विदेशी मुलुकमा गरिरहेका छौं । यसको उद्देश्य नेपाली फिल्मको अन्तर्राष्ट्रियकरण हो,' लामाले भने ।
चलचित्र विकास बोर्डका अध्यक्ष भुवन केसीले पनि नेपाली फिल्मलाई अन्तर्राष्ट्रियस्तरमा लैजान यो अवार्डले भूमिका खेल्ने धारणा राखे । यो अवार्डलाई संघले फेम नेपाल, यूएस खबर, आर्यन फिल्मससँग मिलेर आयोजना गर्दैछ ।
यसअघि दुबई, मलेसिया, हङकङ र कतारमा नेफ्टा आयोजना भइसकेको छ । अवार्ड घोषणा कार्यक्रममा नेपाली कलाकारको बाक्लो उपस्थिति थियो ।
![](https://assets-cdn.ekantipur.com/uploads/source/ads/900-x-100-0172024023126.gif)