अर्गानिक चियाखेतीमा रमाउँदै जसकुमार
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
ईलाम — दुर्बइमा सात वर्ष काम गरी घरगाउँ फर्केपछि इलाम ४ जस्बीरेका जयकुमार राई चियाखेतीमा लागे । ४४ वर्षीय जयककुमार हिजोआज झिसमिसेदेखि साँझसम्मै चिया बगानमा भेटिन्छन् । चियाको मुना टिप्न र बगान स्याहार्न व्यस्त जयकुमार नेपाली चियाको स्वाद नेपालीले नै नचिनेकोमा भने खिन्न छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![अर्गानिक चियाखेतीमा रमाउँदै जसकुमार](https://i3.ytimg.com/vi/UoeN_aGr4FA/maxresdefault.jpg)
![](https://assets-cdn.ekantipur.com/uploads/source/ads/comp-900x100-1672024010950.gif)
चियाखेती र यसमा प्रयोग भइरहेको प्रविधिबारे पनि चासो राख्ने जसकुमारको एउटै ध्याउन्न छ, अर्गानिक चिया उत्पादन गर्ने । उनले त्यसैका लागि चियाबारी नजिकै वस्तुभाउ पालेका छन् । तिनैको गोबर मलमात्रै उनले चिया बगानमा प्रयोग गर्छन् ।
नेपालमा उत्पादित अर्गानिक चिया जापान, जर्मन, डेनमार्क र बहराइनजस्ता मुलुकमा जाने बताउँदै उनले अर्गानिक चियाको विदेशी बजार खोज्न र नेपालीलाई पनि यस्तो चियाको स्वादमा बानी पार्न सरकारले पहल गर्नुपर्ने बताए । उनले भने, ‘अहिले पनि बहुसंख्यक हामी नेपाली बजारबाट किनेको सिटिसी चिया प्रयोग गर्छौं । थोरै उपभोक्ता मात्र नेपाली हाते पत्ती र अथोडक्स चिया प्रयोग गर्छन् । हामी नेपालीलाई मात्रै स्वदेशी चिया पिउन सिकाउने हो भने स्वास्थ त राम्रो हुन्छ नै स्थानीय उत्पादनको प्रवर्द्धनमा पनि टेवा पुग्छ ।’
![](https://assets-cdn.ekantipur.com/uploads/source/ads/900-x-100-1-0282024055738.gif)