भ्याली पब्लिकका दुवै टोली फाइनलमा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — भ्याली पब्लिकको ‘ए’ र ‘बी’ दुवै टोली सातौं एन्जल्स हार्ट कप अन्तरविद्यालय बास्केटबल प्रतियोगिताको सिनियर गर्ल्समा शनिबार फाइनल पुगेका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![भ्याली पब्लिकका दुवै टोली फाइनलमा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/basketball-2262024024659-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
आयोजक एन्जल्स हार्टको कोर्टमा भ्याली पब्लिक ‘ए’ ले टीआईएलाई २७–१५ स्कोरले हरायो । भ्यालीकी लोरिसा गौचनले १० स्कोर गरिन् । दृश्य गुरुङको १० स्कोरमा भ्याली ‘बी’ ले ग्रिनल्यान्डमाथि २७–२४ को जित पायो ।
जुनियर ब्वाइजमा एन्जल्स हार्ट र किङडम उपाधिका लागि भिड्ने भएका छन् । एन्जल्स हार्टले ग्रिनफिल्डलाई २६–१८ स्कोरले हरायो । एन्जल्स हार्टका रुपेश पौडेलले १४ स्कोर जोडे । किङडमले सेबविरुद्ध २८–२० को जित पायो । किङडमका जिग्मे लामाले १४ स्कोर गरे । फाइनल आइतबार हुनेछ ।
हिसान बास्केटबल सेमिफाइनल
एन्जल्स हार्टमै शनिबार सुरु प्रथम हिसान तारर्केश्वर एसईई कप थ्री एक्स थ्री छात्र बास्केटबलको सेमिफाइनल समीकरण पूरा भएको छ । सेमिफाइनल पूर्णिमा र श्री युवा तथा टाइमआउट नेपाल र वे टु गेटबीच हुनेछ । पूर्णिमाले दी इन्फिनिटीलाई १६–११ ले, श्री युवाले एन्जल्स हार्ट ‘बी’ लाई १२–५ ले, टाइमआउटले बफेलोलाई १६–६ ले र वे टु गेटले एसापलाई १२–७ स्कोरले पराजित गर्दै सेमिफाइनल तय गरे ।
विजेताले १५ हजार र उपविजेताले १० हजार रुपैयाँ पुरस्कार पाउनेछन् ।
प्रकाशित : असार ८, २०८१ १८:३२