आलितालले कैलाली प्रिमियर लिग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
धनगढी — डडेलधुराको आलिताल गाउँपालिकाले धनगढीमा सम्पन्न दोस्रो कैलाली प्रिमियर लिग अन्तरपालिका टी–२० क्रिकेटको उपाधि जितेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![आलितालले कैलाली प्रिमियर लिग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sports/4317951842066860690363835137095036508528050n-3032024054007-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
शनिबार फाइनलमा डडेल्धुराकै परशुराम नगरपालिकामाथि १ विकेटको रोमाञ्चक जित निकाल्दै आलिताल २ लाख पुरस्कार प्राप्त गर्यो । उपविजेता परशुरामले १ लाख पायो ।
१ सय ११ रनको लक्ष्य आलितालले १८.१ ओभरमा ९ विकेट गुमाएर पूरा गर्यो । दिलबहादुर बोहराले ३० र राजु रिजालले २२ रन जोडे । परशुरामका महेन्द्र धामीले ३ र कृष्ण विष्टले २ विकेट लिए ।
त्यसअघि फाप्ला क्रिकेट मैदानमा पहिलो ब्याटिङ गरेको परशुराम १०७ रनमा समेटियो । यश कठायतले ३२ र मान साउदले २१ रन जोडे । आलितालका हिक्मत महरा र नीरज ऐरले ३–३ विकेट लिए । हिक्मत म्यान अफ द फाइनल भए ।
आलितालका दिलबहादुर बोहरा म्यान अफ द सिरिज, परशुरामका राज विक बेस्ट ब्याटर, कृष्ण विष्ट बेस्ट बलर र परशुरामकै अर्जुन बिक उदीयमान खेलाडी घोषित भए ।
विजेतालाई नेपाल क्रिकेट संघका अध्यक्ष चतुरबहादुर चन्द, परशुराम नगरपालिकाका प्रमुख भरत बडाएर जोशी, आलिताल गाउँपालिकाका अध्यक्ष शेरसिंह पार्कीलगायतले पुरस्कृत गरे । प्रतियोगितामा सुदूरपश्चिम प्रदेशका ११ पालिकाको सहभागिता थियो ।
प्रकाशित : चैत्र १७, २०८० २२:२७