प्रतिनिधिसभाको सचिवमा पूर्वसचिव सुरेश अधिकारी सिफारिस

सभामुखले राष्ट्रपति समक्ष नेपालको संविधानको धारा १०६ तथा संघीय संसदका महासचिव, प्रतिनिधि सभाका सचिव तथा राष्ट्रिय सभाका सचिवको पारिश्रमिक, सेवाको शर्त र सुविधा सम्बन्धी ऐन, २०७५ को दफा ३ बमोजिम नियुक्तिका लागि सिफारिस गरेका हुन् ।

सङ्खुवासभा जिल्ला खाँदबारी नगरपालिका वार्ड नम्बर २ का अधिकारीले केही महिनाअघि शिक्षा सचिवबाट अवकास पाएका थिए । प्रतिनिधि सभा सचिव पद्मप्रसाद पाण्डेय संघीय संसदको महासचिव नियुक्त भएपछि २०८० साल माघ २३ देखि सो पद रिक्त थियो ।