पहाडमा फुटबलका दर्शक [तस्बिरहरु]

आयोजक पाँचथर क्लवका सचिव योगराज सेढाइका अनुसार शनिबारको फाइनल खेल हेर्न २ हजार १ सय जना दर्श टिकट काटेर मैदान छिरेका थिए भने आयोजकले उपलब्ध गराएका पास र अतिथिको कोटाबाट छिर्नेहरुको संख्या झण्डै तीन हजार भन्दा धेरै थियो । शनिबार मात्रै पाँच हजार दर्शकले पाँचथर गोल्डकप हेरे । फाइनल बाहेक अघिल्ला छ वटा खेलमा दैनिक २ हजारका दरले दर्शक मैदान प्रवेश गरेको तथ्यांक आयोजकसँग छ । फुटबल हेर्न काखे नानी च्यापेका आमासँगै, गर्भवती, लौरो टेकेर आएका ज्येष्ठ नागरिक हुँदै युवा र प्रौढको संख्या उत्तिकै उत्साहजनक थियो । पाँचथर गोल्डकप मात्रै होइन, जिल्लाका ग्रामिण भेगसम्म आयोजना हुने साना ठुला सवैखाले प्रतियोगितामा फुटबल हेर्न दर्शकको संख्या पाँचथरमा उत्साहजनक हुन्छ ।