नेदरल्यान्ड्सले दियो नेपाललाई जितका लागि १२१ रनको लक्ष्य
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — ट्वान्टी २० अन्तर्राष्ट्रिय त्रिकोणात्मक क्रिकेट शृंखला अन्तर्गतको खेलमा नेपाललाई नेदरल्यान्ड्सले जितका लागि १२१ रनको लक्ष्य दिएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![नेदरल्यान्ड्सले दियो नेपाललाई जितका लागि १२१ रनको लक्ष्य](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sports/nepvsned-0232024083410-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
शनिबार त्रिवि क्रिकेट मैदानमा टस जितेर ब्याटिङमा आएको नेदरल्यान्ड्सले १९. ३ ओभरमा सबै विकेट गुमाउँदै १२० रन बनायो ।
नेदरल्यान्ड्सका म्याक्स ओडाउडले २४ बलको सामना गर्दै सर्वाधिक ३१ रन बनाए । यस्तै टिम भान डर गुगटेनले २४, रोयलोफ भान डर मर्वेले २३ र स्कट एडवार्ड्सले १८ रन बनाए । नेदरल्यान्ड्सका अन्य ब्याटरले दोहोरो अंक रन बनाउन सकेनन् ।
नेपालको तर्फबाट प्रतिश जिसीले ३, करण केसी र कुशल मल्लले २-२ र दीपेन्द्रसिंह ऐरीले १ विकेट लिए ।
पहिलो ओभरमै करण केसीले नेदरल्यान्ड्सको दुई विकेट लिएपछि नेदरल्यान्ड्स दबाबमा परेको थियो ।
नेपाल पहिलो खेलमा नामिबियासँग २० रन र दोस्रो खेलमा नेदरल्यान्ड्ससँग २ रनले पराजित भएको थियो । यसैगरी, तेस्रो खेलमा नेपालले नामिबियालाई ३ रनले पराजित गरेको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)