२१.१२°C काठमाडौं
दार्चुलामा भीरबाट लडेर महिलाको मृत्यु
दार्चुला — लेकम गाउँपालिका–४ रातामाटास्थित दवलपाती भीरबाट लडेर महिलाको मृत्यु भएको छ । आइतबार दिउँसो घाँस काट्ने क्रममा स्थानीय ५५ वर्षीया तुलसी पाठकको मृत्यु भएको प्रहरीले जनाएको छ ।
जिल्ला प्रहरी कार्यालयका अनुसार रातामाटास्थित देवपाती भीरमा घाँस काट्ने क्रममा लडेर पाठकको घटनास्थलमै ज्यान गएको हो । ती महिला करिब ६० मिटर तल खसेकी थिइन् ।
प्रहरी निरीक्षक ज्ञानेन्द्रबहादुर सिंहले घटनाबारे प्रहरीले थप अनुसन्धान गरिरहेको जानकारी दिए ।
प्रकाशित : मंसिर १७, २०८० १८:५८प्रतिक्रिया
