२८ वर्षीया अपांग महिलालाई बलात्कार गरेको आरोपमा १३ वर्षीय किशोर पक्राउ

किशोरले ती महिलालाई आइतबार दिउँसो ३ बजेतिर जबरजस्ती करणी गरी फरार भएका थिए । बलात्कार गरी फरार भएका किशोरलाई घटनास्थलबाट केही टाढा सार्वजनिक भवनको शौचालयमा लुकिरहेको अवस्थामा आइतबार राति नै पक्राउ गरेको जिल्ला प्रहरी कार्यालय बझाङका प्रमुख डीएसपी भरत शाहले जानकारी दिएका छन् ।

अभियुक्त किशोरलाई अदालतबाट म्याद थप गरेर थप अनुसन्धान भइरहेको र पीडित महिलालाई सदरमुकामस्थित अल्पकालीन महिला सुरक्षा आवास गृहमा राखिएको डीएसपी शाहले बताए ।