कान्तिपुर वेबसाईट
AdvertisementAdvertisement
२८.१२°C काठमाडौं
काठमाडौंमा वायुको गुणस्तर: १७३

बझाङको हिमपहिरोमा एक जनाको शव भेटियो, दुई बेपत्ता

यार्चा संकलन गर्न हिमाल गएका एक जनाको शव फेला पर्‍यो । दुई जना घाइते भएका छन् र दुई जना बेपत्ता छन् । कठिन र लामो बाटोका कारण प्रहरीको उद्धार टोली सोमबार मात्रै घटनास्थल पुग्नेछ ।
वसन्तप्रताप सिंह

बझाङ — सुर्मा गाउँपालिकाको यार्चा संकलन क्षेत्र धानसेरी हिमालमा आएको हिमपहिरोमा परेका एक जनाको शव फेला परेको छ । हिमपहिरोमा पुरिएको अवस्थामा सुर्मा गाउँपालिका ३, काँटै गाउँकी ४० वर्षीया रामकोइला बोहराको शव फेला परेको हो । 

बझाङको हिमपहिरोमा एक जनाको शव भेटियो, दुई बेपत्ता

यस्तै हिमपहिरोमा परेर उनका श्रीमान् ४० वर्षीय बाबजी बोहरा र जयपृथ्वी नगरपालिका वडा नं ११, मयानाका १४ वर्षीय आकाश धामी घाइते भएको प्रहरीले जनाएको छ । हिमपहिरोमा मयाना गाउँकै १८ वर्षीया रमिता धामी र १४ वर्षीया जामती धामी बेपत्ता भएको जिल्ला प्रहरी कार्यालय बझाङका प्रमुख डीएसपी जागेश्वर भण्डारीले बताए ।

आइतबार दिउँसो ११ बजेतिर आएको हिमपहिरोमा उनीहरु पुरिएका थिए । पहिरोमा परेकाहरुको उद्धारका लागि नेपाल प्रहरी र सशस्त्र प्रहरीको टोली त्यसतर्फ पठाइए पनि घटनास्थल पुग्न सकेको छैन । प्रहरी टोली भोलि सोमबारमात्रै घटनास्थल पुग्ने डीएसपी भण्डारीले बताए ।

घाइतेहरुलाई उपचारका लागि बोकेर सदरमुकाम चैनपुर ल्याउने काम भइरहेको र मृतकको शव पनि पोष्टमार्टमका लागि सदरमुकाम ल्याइँदै गरेको स्थानीयले बताएका छन् ।

प्रकाशित : जेष्ठ ७, २०८० २०:३२
प्रतिक्रिया
पठाउनुहोस्
जनताको राय

१० प्रतिशत अग्रिम आयकरको व्यवस्थाले खाद्यान्न आयात बन्द भइ कालोबजारी सुरु भएकोमा के भन्नुहुन्छ ?