बर्दियामा बेवारिसे काठ बरामद  

जिल्ला प्रहरी कार्यालय बर्दियाका सूचना अधिकारी हिक्मतबहादुर बोहोराले उक्त काठ ५० दशमलव ७९ क्युफिटको रहेको जनाए । करिब १ लाख १ हजार ५ सय रुपैयाँ मूल्यको काठ आवश्यक कारबाहीका लागि डिभिजन वन कार्यालय पठाएको उनले जनाए ।

पाँच दिनअघि गुलरिया नगरपालिका—१ गाउँ नम्बर १० खैरापुरस्थित बारीमा बेवारिसे अवस्थामा राखिएको काठ बरामद गरेको थियो । बरामद गरिएको ३० दशमलव ६७ क्यूफिट काठ आवश्यक कारबाहीका लागि डिभिजन वन कार्यालय बर्दिया पठाइएलगत्तै शुक्रबार ठूलो परिमाणको काठ बरामद गरेको छ । यसै वडाको गाउँ नम्बर १६ मा ८८ दशमलव ६५ क्युफिट काठ बेवारिसे अवस्थामा फेला परेको छ । काठ करिब ३ लाख ३४ हजार ६ सय मूल्यको रहेको जिल्ला प्रहरी कार्यालय बर्दियाका सूचना अधिकारी एवं डिएसपी बोहोराले बताए ।