प्यूठानको गौमुखीमा बन्यो हेलिप्याड
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
प्यूठान — गौमुखी गाउँपालिका–५ सालिविसौनामा हेलिप्याड निर्माण भएको छ । गौमुखी गाउँपालिकाले विपदको समयमा उद्धार तथा राहतमा सहयोग पुगोस् भन्दै नेपाली सेनाको सहयोगमा हेलिप्याड निर्माण गरेको हो । विपदजन्य घटनाबाट हुने क्षतिलाई कम गर्न हेलिप्याड निर्माणले सहयोग पुग्ने गाउँपालिकाका अध्यक्ष विष्णुकुमार गिरीले बताए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![प्यूठानको गौमुखीमा बन्यो हेलिप्याड](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/helipad-nirman-picpyuthan-2762024034528-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
गौमुखीको आर्थिक सहयोग तथा बर्दबहादुर गण प्यूठानको प्राविधिक सहयोगमा हेलिप्याड निर्माण भएको हो । नवनिर्मित हेलिप्याड बिहीबार नेपाली सेना १९ नम्बर बाहिनीपति सहायक रथी भूवनपूर्ण सत्यालले गाउँपालिकालाई हस्तान्तरण गरे ।
कार्यक्रममा बाल्दै बाहिनीपति सत्यालले ग्रामीण क्षेत्रमा हेलिप्याड विशेषगरी विपदजन्य घटनामा उपयोगी हुने बताए । ‘विपदको समयमा सडक सञ्जाल विच्छेद भएको हुनसक्छ,’ उनले भने, ‘उक्त समयमा हेलिकप्टरमार्फत उद्धार गर्न र राहत पुर्याउन सहज हुन्छ ।’
जिल्लाका अन्य ग्रामीण क्षेत्रमा पनि ठाउँ ठाउँमा हेलिप्याड निर्माण गर्न आवश्यक रहेको सहायक रथी सत्यालले बताए । बर्द बहादुर गण प्यूठानका गणपति रमेश थापाले गत वर्ष प्यूठानको नौबहिनी गाउँपालिकामा हेलिप्याड निर्माण गरिएको र अहिले गौमुखीमा हेलिप्याड निर्माण भएको जानकारी दिए ।
विपदका घटनामा राहततथा उद्धार गर्न, जटिल समस्याभएकाविरामीलाई हवाई सेवाबाट उपचारकालागि लैजान, विशिष्ट व्यक्तिहरुको आगमनमा समेत सहयोग पुग्ने उनको भनाइ छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)