भरुवा बन्दुकसहित पक्राउ

जेष्ठ ४, २०८१नवीन पौडेल

नवलपुर — पूर्वी नवलपरासीमा भरुवा बन्दुकसहित एक जनालाई प्रहरीले नियन्त्रणमा लिएको छ । जिल्लाको बौदीकाली गाउँपालिका-६ का ५६ वर्षीय चन्द्रबहादुर सिंजालीलाई भरुवा बन्दुकसहित पक्राउ गरेको हो ।

डेढगाउँबाट नरम जाने बाटोमा बन्दुक बोकेर हिँडिरहेको अवस्थामा पक्राउ गरेर आवश्यक अनुसन्धान सुरु गरिएको जिल्ला प्रहरी कार्यालयका डीएसपी बेदबहादुर पौडेलले बताए । के कति प्रयोजनका लागि बन्दुक बोकेर हिँडेको हो भन्नेबारे थप अनुसन्धान भइरहेको उनले बताए ।