करेन्ट लागेर विद्युत् आयोजनाका मजदुरको मृत्यु

जिल्ला प्रहरी कार्यालयका सूचना अधिकारी अशोककुमार झाका अनुसार आयोजनाअन्तर्गत ठेकदार कम्पनी रामेछाप कन्स्ट्रक्सन कम्पनीमा कार्यरत रहेका बागचौर नगरपालिका, ८ सल्यानका ३२ वर्षीय कमल योगीको काम गर्ने क्रममा करेन्ट लागी मृत्यु भएको हो । उनलाई उपचारका लागि अस्पताल पुर्‍याए पनि चिकित्सकले मृत घोषणा गरेका थिए ।

सहकर्मी योगीलाई करेन्ट लागेपछि तान्न पुगेका लिखातामा गाउँपालिका, ६ रामेछापका ४६ वर्षीय प्रविण थापा पनि घाईते भएको र थापाको हाल बेनी अस्पताल म्याग्दीमा उपचार भइरहेको छ । घटनाबारे थप अनुसन्धान भइरहेको प्रहरीले जनाएको छ ।