घनश्याम खड्का

कालीगण्डकी करिडोरअन्तर्गत बेनी–जोमसोम सडकको बेनी–घाँसाखण्डमा अति जोखिमयुक्तमध्येको बैसरीमा ‘रक एंकरिङ’ प्रविधिबाट पहिरो रोकथाम गरिएको छ ।

स्याउको बाहिरी आवरणमा रङ चढ्दै र स्वादमा गुलियोपन भरिँदै गएपछि मुस्ताङको ‘हाइब्रिड’ स्याउ बजार झर्न थालेको छ । छिटो पाक्ने उच्च घनत्वमा आधारित ‘हाइडेन्सिटी हाइब्रिड’ गाला जातको स्याउ भदौ १० र किङरोट जातको स्याउ भदौ १५ देखि बजार झर्न थालेको हो ।

जिल्ला प्रहरी कार्यालयले बेनी नगरपालिका–९ तोरीपानीकी १९ वर्षीय गर्भवती प्रेमिका मिना परियारको हत्या गरी गाडेका प्रेमी राम खत्रीविरुद्ध शुक्रबार जिल्ला अदालतमा ज्यान सम्बन्धी कसुरमा अभियोगपत्र दर्ता गरेको छ ।

सरकारले जिल्ला अस्पतालहरूबाट ९६ प्रकारका औषधिहरू नि:शुल्क उपलब्ध गराउने भनेको छ । बेनी अस्पतालमा भने सरकारले उपलब्ध गराउने प्रतिबद्धता गरेकामध्ये मुस्किलले ४०–५० किसिमका औषधि मात्र उपलब्ध छन् । तीमध्ये पनि अस्पतालमा हुने मागको तुलनामा २०–२५ प्रतिशत मात्र आपूर्ति हुने गरेको छ ।

म्याग्दी जिल्ला अदालतमा सम्बन्ध विच्छेदका मुद्दाको संख्या ह्वात्तै बढेको छ । अदालतको आर्थिक वर्ष २०८०/०८१ मा दर्ता भएका कुल ५ सय ९२ थान फिराद (मुद्दा)मध्येे सम्बन्धविच्छेदका मात्र ३ सय १७ वटा (५३.४५ प्रतिशत)थान मुद्दा रहेका छन् । सोही अवधिमा अदालतमा दर्ता भएका दुनियाँवादी देवानी तर्फका ४ सय ३७ थान मुद्दामध्येे ७२.५४ प्रतिशत र पारिवारिक विवादका कुल ३ सय ६८ वटा मुद्दामध्ये ८६.१४ प्रतिशत मुद्दा सम्बन्धविच्छेदका छन् ।

सामुदायिक विद्यालयहरुले स्मार्ट बोर्डबाट अध्यापन गराउन थालेका छन्। विद्यालयलाई प्रविधिमैत्री बनाउने अभियानमा पछिल्लो पटक आइतबार सदरमुकाम बेनीको प्रकाश माध्यामिक विद्यालयले एण्ड्रोइड १४.० भर्सनको आइओएस अपरेटिङ सिस्टम, फोर के रिजुलेसन सहितका २ वटा इन्टरएक्टिभ टचस्क्रिन स्मार्ट बोर्ड जडान गरी अध्यापन थालेको हो । 

शनिबार मध्यरात परेको अविरल वर्षापछि आएको बाढीले बेनी नगरपालिका–१ आनन्दबगरमा तीन वटा घर पुरेको छ ।स्थानीय ६९ वर्षीया सेती थापा मगर, केशव थापा र सोचिना घर्ती मगरको घरमा बाढी पसेको हो ।  

बेनी नगरपालिका-९ गिठिनी कालीमुल जंगलमा हत्या गरी गाडेको अवस्थामा फेला परेकी मीना परियारको गर्भमा सडेगलेको अवस्थाकै भ्रुण रहेको खुलेको छ । शवको पोस्टमार्टम गर्दा मीनाको गर्भमा मृत भ्रुण भएको पुष्टि भएको हो ।

हिमालपारिको उपल्लो थलो, प्राचीन बस्ती लोमन्थाङ क्षेत्रका बासिन्दालाई विद्युतीय चुलो वितरण गरिएको छ ।  लोमन्थाङ गाउँपालिकाले खाना पकाउने एलपी ग्याँसको लागत न्यूनीकरण गर्ने उद्देश्यले पहिलो चरणमा वडा नम्बर-३ फुवा र वडा नम्बर-४ किमलिङका २ सय १० घर परिवारमा विद्युतीय चुलो वितरण गरेको जनाएको छ ।

रघुगंगा गाउँपालिका-२ स्थित बेनी-जोमसोम सडकको सिरुबारी खण्डमा पहिरोमा गुडिरहेको बसमा मंगलबार दिउँसो माथीबाट खसेको ढुंगा लाग्दा दुई जना यात्रु घाइते भएका छन् ।