कोरला नाका सोमबारदेखि व्यावसायिक रूपमा खुला भएको छ । मुस्ताङको उपल्लो भेगमा अवस्थित नेपाल–चीन २४ नम्बरको सीमास्तम्भ रहेको फराकिलो पठार कोरला नाका सोमबारदेखि व्यावसायिक रूपमा खुला भएको हो ।
मोटरसाइकलबाट बेनी हुँदै जोमसोम जाँदै गरेका जर्मन नागरिक म्याट्रेड विको दुर्घटनामा मृत्यु भएको छ । बेनी–जोमसोम सडक अर्न्तगत पर्ने अन्नपूर्ण गाउँपालिका ३ काप्रेभीरबाट मोटरसाइकल अन्दाजी ८० मिटर तल कालीगण्डकीमा खसेको थियो ।
हिमालपारिको मुस्ताङ भ्रमणमा आउने आन्तरिक पर्यटकको संख्यामा वृद्धि भएको छ । दसैंपछि मुस्ताङका सबै होटेल, रेस्टुरेन्ट तथा होमस्टेसमेत तन्नेरी पुस्ताका नेपाली पर्यटकले भरिभराउ भएका छन् ।
बेनी नगरपालिका–४, सिङ्गास्थित कालिज फार्ममा सोमबार बिहान चितुवा पसेको छ । हरियाली ग्रुप प्रालिले करिब ४ सय कालिज पालेको फार्ममा फलामे तारबार र नाइलन जालीबाट भित्र चितुवा पसेको हो ।
नवदुर्गा भगवती मन्दिर शक्तिपीठमा पशु बलि दिने हिन्दु धार्मिक परम्पराअनुसार म्याग्दीको रघुगंगा गाउँपालिका २ स्थित भगवतीकोट मन्दिरमा बलि चढाइने सरकारी राँगो मार हान्न (काट्न) तीन लाख ३० हजार रुपैयाँ बोलकबोल भएको छ ।
नेपाली भान्छामा दसैंसँगै जोडिने खान्की हो मासु । महँगो भए पनि दसैंमा एक छाक भए पनि भेडा–च्यांग्राको मासु खोज्ने चलन छ । दसैं नजिकिएसँगै सहरी क्षेत्रमा मात्रै होइन, गाउँबस्तीसम्म खसीबोका र भेडा–च्यांग्राको व्यापार बढेको छ । काठमाडौंमा सरकारी स्वामित्वको खाद्य व्यवस्था तथा व्यापार कम्पनीसँगै निजी व्यापारीले धेरै ठाउँबाट भेडा–च्यांग्रा बिक्री गरिरहेका छन् ।
अमेरिकी नागरिक नाथन हन्टर भेनर यतिबेला ढोरपाटन क्षेत्रमा छन् । उनी यहाँ घुम्न वा कुनै काम विशेषले नभई सिकार खेल्न आएका हुन् । मुलुकको एकमात्र सिकार आरक्ष ढोरपाटनमा गत बुधबारदेखि काँधमा राइफल बोकेर ४० थान गोलीसहित सिकारको खोजीमा निस्किएका उनी कात्तिक २८ सम्म आरक्षमा हुनेछन् । ढोरपाटन आरक्षले उनलाई एउटा नाउर, एक बँदेल सिकार गर्ने अनुमति दिएको हो ।
सोमबार साँझदेखि रातभर परेको भारी वर्षापछि बेनी–जोमसोम सडकअर्न्तगत रघुगंगा गाउँपालिका–२ बैसरी र कुनौटो त्यस्तै अन्नपूर्ण गाउँपालिका–२ नौनीबगर र ३ गुइँठेमा पहिरो खस्दा यातायात अवरुद्ध भएको प्रहरीले जनाएको छ ।
१७.१२°C काठमाडौं
