ट्रकको ठक्करबाट मोटरसाइकलमा सवार महिलाको मृत्यु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
तनहुँ — पृथ्वीराजमार्ग अन्तर्गत जिल्लाको म्याग्दे गाउँपालिका ६ मौरीबजारमा शनिबार साढे ६ बजे ट्रकको ठक्करबाट मोटरसाइकलमा सवार एक महिलाको मृत्यु भएको छ ।
![](https://assets-cdn.ekantipur.com/uploads/source/ads/comp-900x100-1672024010950.gif)
पोखरातर्फ जाँदै गरेको ग१७प ६५९७ नम्बरको मोटरसाइकललाई सोही दिशाबाट जाँदै गरेको वाप्र ०१-००६ ख २८६१ नम्बरको ट्रकले ठक्कर दिएको थियो ।
ट्रकको ठक्करबाट मोटरसाइकल चालक तनहुँको भिमाद नगरपालिका ९ थामडाँडा बस्ने ३४ वर्षीया रामचन्द्र बिकसहित २६ वर्षीया श्रीमती सुकमाया बिक र छोराहरू ३ वर्षका सुमन बिक र ६ वर्षका गुराँस बिक घाइते भएका थिए ।
दुर्घटनामा परी घाइते भएकाह मध्ये सुकमायाको उपचारको क्रममा शनिबार साँझ जीपी कोइराला राष्ट्रिय श्वासप्रश्वास उपचार केन्द्र बेलचौतारामा मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक मोहनबहादुर खाणले जानकारी गराए ।
उनका अनुसार अन्य ३ जना घाइतेहरुको सोही अस्पतालमा उपचार भइरहेको र ट्रक चालकलाई नियन्त्रणमा लिइ थप अनुसन्धान भइरहेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)