छुट्टाछुट्टै घटनामा २ को मृत्यु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
बागलुङ — छुट्टाछुट्टै घटनामा बागलुङमा दुई जनाको मृत्यु भएको छ । आइतबार बिहान बागलुङ नगरपालिका-१ मा ३० वर्षीय छितिज रानामगर र जैमिनी नगरपालिका-८ का ४२ वर्षीय कृष्ण पुन मृत भेटिएका हुन् ।
![](https://assets-cdn.ekantipur.com/uploads/source/ads/comp-900x100-1672024010950.gif)
राना बागलुङ-१ रामरेखास्थित आफ्नै साथीको घरमा गएर बसेका थिए । बिहान नउठेपछि बोलाउँदा मृत्यु भएको खुलेको थियो । साथी आकाश काउचाको घरमा खाना खाएर शनिबार बेलुकी सुतेका रानाको कसरी मृत्यु भयो भन्ने खुलेको छैन । प्रहरीले घटनाको अनुसन्धान गरिरहेको प्रहरी नायव उपरीक्षक मदन केसीले बताए ।
अर्का मृतक पुनको घर नजिकैको गाँवको भीरमा शव भेटिएको हो । भीरबाट खसेर मृत्यु भएको प्रहरीले बतायो । घाँसदाउराका लागि गएका बेला उनी खसेको अनुमान छ । प्रहरी चौकी बेलबगरबाट गएको टोलीले शव उठाएको थियो । दुवै घटनाको छानबिन गरेर पोस्टमार्टमपछि शव परिवारलाई बुझाइने प्रहरी नायव उपरीक्षक केसीले जानकारी दिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)