पहिरोले म्याग्दीका मुख्य सडक अवरुद्ध, मुक्तिनाथ जाने तिर्थालु अलपत्र
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
(म्याग्दी) — सोमबार साँझदेखि लगातार परिरहेको भारीपछि बेनी–जोमसोम सडक अन्तर्गत रघुगंगा गाउँपालिका–२, बैसरी र स्याउलीभट्टीमा सडकमा पहिरो झरेकोले यातायात अवरुद्ध छ ।
![](https://assets-cdn.ekantipur.com/uploads/source/ads/comp-900x100-1672024010950.gif)
यस्तै, सोही सडकको अन्नपूर्ण गाउँपालिका–२, नौनीबगर र वडा नम्बर ३ गुईंठेमा पहिरो खस्दा यातायात अवरुद्ध भएको प्रहरीले जनाएको छ ।
यातायात अवरुद्ध हुँदा मुस्ताङ भ्रमणमा आएका पर्यटक, कागवेनी/मुक्तिनाथमा सोह्र श्राद्ध गर्न गएका तिर्थालुहरु बाटोमा अलपत्र परेका छन् । मुस्ताङबाट स्याउ बोकेर आएका ट्रकहरु पहिरोमा फसेको प्रहरीले जनाएको छ ।
यस्तै, सदरमुकाम बेनीबाट पश्चिमतर्फ बेनी–दरवाङ सडकको बेनी नपा–४, फापरखेत (घुमाउनेभीर) र मालिका गाउँपालिका–६, बाङ्गेपहिरोमा पनि पहिरोले यातायात अवरुद्ध भएको छ । पहिरोले जिल्लाको पश्चिम भेगका मंगला, मालिका र धवलागिरी गाउँपालिकाहरु सोझो याातायात विच्छेद भएको जिल्ला प्रहरी कार्यालयले जनाएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)