पूर्वी नवलपरासीमा रेबिजविरुद्धको भ्याक्सिन अभाव

भ्याक्सिन अभाव भएपछि अस्पतालले सूचना प्रकाशित गर्दै रेबिजविरुद्धको खोप सेवा तत्कालका लागि बन्द भएको जनाएको छ । इपिडिमियोलोजी तथा सरुवा रोग नियन्त्रण महाशाखामार्फत प्रदेश स्वास्थ्य आपूर्ति तथा व्यवस्थापन केन्द्र हुँदै जिल्लामा आउने भ्याक्सिन प्रदेशमा समेत स्टक सकिएपछि जिल्लामा अभाव भएको हो ।

जिल्ला अस्पतालमा मात्र मासिक रुपमा करिब तीन सय डोज रेबिजविरुद्धको भ्याक्सिन खपत हुँदै आएको थियो । भ्याक्सिन अभाव भएपछि पूर्वी नवलपरासीका सेवाग्राही भ्याक्सिनका लागि चितवन जानुपर्ने बाध्यता छ ।

भ्याक्सिन आउन अझै १० दिनभन्दा बढी समय लाग्ने अस्पतालले जनाएको छ ।