पूर्वी नवलपरासीमा रेबिजविरुद्धको भ्याक्सिन अभाव
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नवलपुर — पूर्वी नवलपरासीमा रेबिजविरुद्धको भ्याक्सिनको अभाव भएको छ । जिल्लामा मध्यबिन्दु जिल्ला अस्पताल र सरकारी स्वास्थ्य संस्थामा एक सातादेखि भ्याक्सिन अभाव भएको जिल्ला अस्पतालका सूचना अधिकारी छविलाल सुवेदीले बताए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![पूर्वी नवलपरासीमा रेबिजविरुद्धको भ्याक्सिन अभाव](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/vaccine-0692023111952-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
भ्याक्सिन अभाव भएपछि अस्पतालले सूचना प्रकाशित गर्दै रेबिजविरुद्धको खोप सेवा तत्कालका लागि बन्द भएको जनाएको छ । इपिडिमियोलोजी तथा सरुवा रोग नियन्त्रण महाशाखामार्फत प्रदेश स्वास्थ्य आपूर्ति तथा व्यवस्थापन केन्द्र हुँदै जिल्लामा आउने भ्याक्सिन प्रदेशमा समेत स्टक सकिएपछि जिल्लामा अभाव भएको हो ।
जिल्ला अस्पतालमा मात्र मासिक रुपमा करिब तीन सय डोज रेबिजविरुद्धको भ्याक्सिन खपत हुँदै आएको थियो । भ्याक्सिन अभाव भएपछि पूर्वी नवलपरासीका सेवाग्राही भ्याक्सिनका लागि चितवन जानुपर्ने बाध्यता छ ।
भ्याक्सिन आउन अझै १० दिनभन्दा बढी समय लाग्ने अस्पतालले जनाएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)