बागलुङको जंगलमा मानव कंकाल भेटियो

स्थानीयको जानकारीपछि इलाका प्रहरी कार्यालय बुर्तिवाङदेखि खटिएको प्रहरी निरीक्षक राजेश शर्मा अधिकारीको टोलीले जंगलमा पुगेर हाड्डी मात्रै रहेको शव संकलन गरेको छ । शव कुहिएको अवस्थामा रहेकाले पहिचान भइसकेको छैन । यद्यपि पुरुषको शव रहेको पहिचान भएको प्रहरीले जनाएको छ ।

शव भेटिएकोबारे जिल्लाका सबै प्रहरी चौकी र छिमेकी जिल्ला रुकुममा पनि प्रहरीले जानकारी गराएको छ । घटनास्थल सदरमुकामदेखि १ सय ४२ किमी पश्चिमतर्फ पर्छ । पातीहाल्नेबाट छोटो दूरीमा पूर्वी रुकुम पुगिन्छ ।

शव भेटेपछि प्रहरीले स्थानीयहरूलाई कोही व्यक्ति हराएको भएमा प्रहरीमा खबर गर्नसमेत आग्रह गरेको छ । यस्तै घटनाबारे अनुसन्धान सुरु गरिएको प्रहरी नायव उपरीक्षक मदन केसीले जानकारी दिए ।