स्ववियु निर्वाचन : पूर्वी नवलपरासीका ४ क्याम्पसमा मतदान सुरु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
पूर्वी नवलपरासी — पूर्वी नवलपरासीका ४ वटा क्याम्पसमा स्ववियु निर्वाचनका लागि मतदान सुरु भएको छ । आइतबार बिहान ८ बजेबाट यहाँका क्याम्पसमा मतदान सुरु भएको हो । सदरमुकाम कावासोतीका कुमारवर्ती, मध्यबिन्दु, चोरमाराको नवजागरण बहुमुखी क्याम्पस र रजहरको देवचुली कजेजमा मतदान सुरु भएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![स्ववियु निर्वाचन : पूर्वी नवलपरासीका ४ क्याम्पसमा मतदान सुरु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/received897910938207700-1932023041411-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
यहाँको अधिकांश स्ववियु निर्वाचनमा नेविसंघ र माओवादी केन्द्रको समीकरण रहेको छ भने एमालेनिकट अनेरास्ववियु ले भने एक्लै उम्मेदवारी दिएको छ । गैंडाकोटका सूर्यभक्त पतनादेवी स्मृति कजेल र कालिका विद्यापिठमा नेविसंघको प्यानल निर्विरोध भइसकेको छ ।
आइतबार मतदान सुरु भएका ४ क्याम्पसमा कूल २ हजार १२ विद्यार्थी मतदाता छन् । मतपरिणाम आइतबार साँझ ६ बजेभित्रै सार्वजनिक भइसक्ने निर्वाचन समितिका पदाधिकारीहरूले जानकारी दिएका छन् । मतदान सुरु भएपछि सुरक्षा व्यवस्था कडा पारिएको छ ।
सबैभन्दा धेरै ११ सय ८४ मतदाता रहेको मध्यविन्दु बहुमुखी क्याम्पसमा एमालेनिकट अनेरास्ववियुका बागी उम्मेदवार रहेका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)