छुट्टाछुट्टै घटनामा २ जनाको मुत्यु- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

छुट्टाछुट्टै घटनामा २ जनाको मुत्यु

सम्झना रसाइली

तनहुँ — तनहुँमा शनिबार भएको छुट्टाछुट्टै घटनामा २ जनाको मृत्यु भएको छ । भीरबाट खसेर बन्दीपुर गाउँपालिका–३ छबिसेका ४५ वर्षीय माधवबहादुर अर्जेलको मृत्यु भएको प्रहरी नायव उपरीक्षक युवराज खड्काले जनाएका छन् ।

धमिलीकुवा सामुदायिक वनमा घाँस काट्न जाँदा भीरबाट खसेर अर्जेलको मृत्यु भएको उनले बताए ।

यसैगरी शुक्लागण्डकी नगरपालिका–५ बेलचौतारामा ५८ वर्षीय राम सुरतको मृत्यु भएको छ । उत्तर प्रदेश जगदीशपुर बलिहरी कबिर नगर घर भएका राम बेलचौतारामा डेरामा बस्दै आएका थिए । डेरामै बिरामी अवस्थामा फेला परेका रामलाई उपचारका लागि जीपी कोइराला राष्ट्रिय श्वासप्रश्वास उपचार केन्द्रमा लगिएकोमा शनिबार राति करिब साढे १० बजे चिकित्सकले मृत घोषण गरेको प्रहरीले जनाएको छ ।

दुवै घटनाको अनुसन्धान भइरहेको जिल्ला प्रहरी कार्यालयले जनाएको छ ।

प्रकाशित : माघ ८, २०७९ ११:१५
प्रतिक्रिया
पठाउनुहोस्

‘संखुवासभाका सफल व्यक्तिहरू’ नामक पुस्तक लोकार्पण

कान्तिपुर संवाददाता

काठमाडौँ — संखुवासभाका सफल व्यक्तित्वहरू नामक पुस्तक लोकार्पण गरिएको छ । आइतबार एक कार्यक्रमका बिच काठमाडौंमा उक्त पुस्तक सार्वजनिक गरिएको हो । कार्यक्रममा सहभागी वाग्मती प्रदेश प्रमुख यादवचन्द्र शर्माले पुस्तकको लोकार्पण गर्दै पुस्तक ऐतिहासिक हुनेमा विश्वास व्यक्त गरे ।

नेपालको विकासमा पहिलो स्थान र भूमिका निर्वाह गर्ने व्यक्तिहरूको छुट्टाछुट्टै अनुभव र दक्षता एउटै पुस्तकमा समेटिएकाले पुस्तक पठनीय र ऐतिहाासिक हुनेसमेत उनले बताए ।

प्रदेश प्रमुख शर्माले ज्ञान, अनुभव, अनुभूति र दृष्टिकोण नयाँ पुस्ताका लागि पनि मार्गदर्शक बन्ने विश्वास व्यक्त गरे । पाठक धारा टोल विकास संस्था संखुवासभाले प्रकाशन गरेको पुस्तकमा विभिन्न विद्यामा उच्चता हासिल गरेका संखुवासभाका ३१ जना व्यक्तिहरूको जीवनी र दृष्टिकोण समेटिएको छ ।

संखुवासभाका सांसद दीपक खड्काले पुस्तकमा सम्मिलित व्यक्तिहरू नेपालको विकास र प्रशासनमा महत्त्वपूर्ण भूमिका निर्वाह गरेको बताए । भीमबहादुर कट्टेल संयोजक रहेको सम्पादक मण्डलले सम्पादन गरेको पुस्तकले समृद्ध संखुवासभामात्र नभई देशलाई नै समृद्धितर्फ डोहोर्‍याउन सक्ने व्यक्तिहरूको आलेख छ ।

प्रकाशित : माघ ८, २०७९ ११:०५
पूरा पढ्नुहोस्
प्रतिक्रिया
पठाउनुहोस्
×