मिर्चैया हेल्थ नर्सिङ क्याम्पसको अवैध असुलीको विषय संसदमा प्रवेश
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — मिर्चैया हेल्थ नर्सिङ क्याम्पसले विद्यार्थीसँग गरेको अवैध असुलीको विषय संसद्मा प्रवेश गरेको छ । जनमत पार्टीका सांसद अब्दुल खानले बिहीबार क्याम्पसले अवैध रुपमा शुल्क उठाएको विषय संसदमा उठाएका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![मिर्चैया हेल्थ नर्सिङ क्याम्पसको अवैध असुलीको विषय संसदमा प्रवेश](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/abdul-khan-2762024105209-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
कान्तिपुर टेलिभिजनमा बुधबार र कान्तिपुरमा बिहीबार प्रसारण प्रकाशन भएको समाचारबारे उनले सरकारको ध्यानाकर्षण गराउँदै यस विषयमा जवाफ माग गरेका छन् ।
'अहिले देशभरी शिक्षा क्षेत्रमा मनपरी चलिरहेको छ,' उनले भने, 'कान्तिपुरले सिरहाको मिर्चैयामा सञ्चालित मिर्चैया हेल्थ नर्सिङ क्याम्पसले विद्यार्थीहरुसँग अवैध रुपमा लाखौं रकम असुली गरिरहेको विषय पर्दाफास गरेको छ । सीटीभीटीले तोकेबमोजिम तीन वर्षे नर्सिङका लागि ४ लाख ७५ हजार शुल्क मात्रै लिन पाइन्छ । त्यो पनि पहिलो किस्तामा १ लाख ९० हजार मात्रै लिन पाइन्छ । तर, यो कलेजले एकै वर्षमा विद्यार्थीहरुसँग झन्डै ४ लाखसम्म असुलेको बैंक भौचरहरु नै सार्वजनिक भएका छन् ।'
उनले यो कलेजले विद्यार्थीसँग प्रयोगात्मक कक्षाका नाममा कानुन विपरीत जनही २० हजार रुपैयाँ उठाएको र कलेजले कानुन विपरीत छात्रावास पनि अनिवार्य गरी २ हजारमा कोठा पाइने मिर्चैयामा एउटै कोठामा ६ जनासम्म राखी जनही महिनाकै १३ उठाएको विषयमा पनि उनले सरकारको ध्यानाकर्षण गराए ।
यस विषयमा उनले सरकारको जवाफ माग्दै भने, 'सरकार र सरकारी संयन्त्र इमानदार भइदिएको भए एउटा कलेजले यत्रो मनपरी गर्ने साहस कसरी गर्न सक्थ्यो ?'
प्रकाशित : असार १३, २०८१ १४:३७