रौतहटमा हट्यो कर्फ्यु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रौतहट — रौतहटको ईशनाथ नगरपालिकामा स्थानीय प्रशासनले लगाएको कर्फ्यु बुधबार साँझबाट हटाइएको छ ।
ईशनाथ–७ घिउरा गाउँमा मूर्ति सेलाउने विषयमा दुई पक्षबीच झडप भए पछि गएको शनिबार प्रशासनले अनिश्चितकालका लागि कर्फ्यु आदेश जारी गरेको थियो ।
![](https://assets-cdn.ekantipur.com/uploads/source/ads/900x100-1172024092759.gif)
![रौतहटमा हट्यो कर्फ्यु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/rautahat-2122024041318-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
अवस्था समान्य बनेपछि बधुबारदेखि कर्फ्यु हटाइएको हो ।
अवस्था भड्किन सक्ने भन्दै स्थानीय प्रशासनले इशनाथ नगरपालिकाको वडा नम्बर २, ३, ४, ५, ६ र ७ मा कर्फ्यु लगाएको थियो । अहिले अवस्था सामान्य बनेकोले कर्फ्यु हटाइएको प्रमुख जिल्ला अधिकारी हिरालाल रेग्मीले जानकारी दिए ।
बसन्त पञ्चमीको अवसरमा पूजाका लागि राखिएको सरस्वतीको मूर्तिलाई गएको शनिबार डिजे बाजाको साथ सेलाउन जाँदा घिउरा गाउँमा दुई पक्षबीच झडप भएको थियो । त्यसपछि स्थानीय प्रशासनले उक्त नगरपालिकाको २ देखि ७ नम्बर वडासम्म अनिश्चितकालका लागि कर्फ्यू आदेश जारी गरेको थियो ।
सदरमुकाम गौरमा सर्वपक्षीय भेलामा सहमति बनेपछि मूर्ति सेलाउन सहज भएको जिल्ला प्रहरीका डीएसपी एलिजा गिरीले बताइन् । ‘ईशनाथ गाउँको अहिले अवस्था समान्य छ,' उनले भनिन्, ‘अवस्था सामान्य बनेपछि साँझबाट कर्फ्यु हटाइएको छ ।’
दुई समुदायबीच झडप भएपछि मधेश प्रदेश प्रमुख डीआईजी यज्ञविनोद पोखरेल, सशस्त्र प्रहरीका मधेश प्रदेश प्रमुख डीआईजी दिपेन्द्र शाह र राष्ट्रिय अनुसन्धानका मधेश प्रमुख डीआईजी सन्जय यादव रौतहट आएर सर्वदलीय बैठक राखेर दुबै पक्षलाई सहमतिमा ल्याई मूर्ति सेलाएका थिए ।
![](https://assets-cdn.ekantipur.com/uploads/source/ads/900-x-100-0172024023126.gif)