संखुवासभा र भोजपुर जोड्ने अरुण नदीको फेरी बन्द
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
संखुवासभा — जलस्तर बढेपछि संखुवासभा र भोजपुर जोड्ने अरुण नदीमा फेरी संचालन रोकिएको छ । नदी धमिलो र पानीको सतह बढेर बाढी आएपछि अरुणमा फेरी चल्न नसकेको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![संखुवासभा र भोजपुर जोड्ने अरुण नदीको फेरी बन्द](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/thumb-1862024122433-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
भोजपुरको षडानन्द नगरपालिकाले निर्माण सामग्री, दैनिक उपभोग्य वस्तु लैजान र यात्रुलाई आवतजावत गर्नका लागि फेरी संचालनमा ल्याएको थियो । अरुण नदीमा राखिएको फेरीले षडानन्द नगरपालिका–६ र खाँदबारी नगरपालिका–९ जोड्छ ।
यो भोजपुरको उत्तरी क्षेत्रलाई खाँदबारी हुँदै तराईसँग सिधा जोड्ने सडकखण्ड हो । फेरी बन्द हुँदा दैनिक उपभोग्य र निर्माण सामग्री बोकेर आएका मालवाहक सवारीसाधन मनकामना मन्दिर क्षेत्र र भोजपुर तर्फ सत्तिघाटमा अड्किएका छन् । लम्छुवा घाटमा मोटरेबल पुल निर्माण नभएपछि भोजपुरको उत्तरी क्षेत्रका बासिन्दाको सहजताका लागि सत्तिघाटमा ३ वर्षयता फेरी संचालनमा ल्याइएको थियो । फेरीबाट दैनिक एक सय भन्दा बढी ठूला र साना यातायात आवतजावत गर्छन् ।
षडानन्द नगरपालिकाले सूचना जारी गरेर फेरी संचालन बन्द भएको जनाएको हो । फेरीले एकै पटकमा चार वटासम्म साना सवारीसाधन तार्ने गरेको छ । संघीय र प्रदेश सांसद क्षेत्र विकास कोषबाट ७५/७५ लाख र षडानन्द नगरपालिकाको ५५ लाख लागतमा फेरी निर्माण गरेर संचालन गरिँदै आएको थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)