स्कुलका प्रअ नै कांग्रेसको क्षेत्रीय सभापतिमा निर्वाचित- प्रदेश १ - कान्तिपुर समाचार
कान्तिपुर वेबसाईट
AdvertisementAdvertisement

स्कुलका प्रअ नै कांग्रेसको क्षेत्रीय सभापतिमा निर्वाचित

लक्ष्मी गौतम

पाँचथर — पाँचथरमा माध्यामिक विद्यालयका प्रधानाध्यापक नै कांग्रेसको क्षेत्रीय सभापतिमा निर्वाचित भएका छन् ।

शनिबार साँझ सम्पन्न मत गणनाको परिणाम अनुसार आफ्ना प्रतिस्पर्धी कुमार राई (प्रताप)लाई ३२ मत अन्तरले हराउँदै जिल्लाको हिलिहाङ गाउँपालिका वडा नं ४ स्थित सिद्ध माध्यमिक विद्यालयका प्रधानाध्यापक भगिश्वर योङहाङ पाँचथर प्रदेश क्षेत्र ‘क’ को क्षेत्रीय सभापतिमा निर्वाचित भएका हुन् । उनी यसअघिको कार्य समितिमा पनि कांग्रेसको क्षेत्रीय सभापति थिए ।

क्षेत्रीय कार्य समितिका पदाधिकारीसहित कार्य समिति सदस्य र प्रदेश प्रतिनिधिमा अरु शिक्षकहरूको पनि उम्मेद्वारी दर्ता भएको छ । शिक्षक सेवा ऐन अनुसार सरकारी सेवामा रहेर कार्यरत कुनै पनि शिक्षकलाई कुनै पनि राजनीतिक संगठनको सदस्यता लिन नपाउने कानुनी प्रावधान छ ।

कांग्रेस अधिवेशनमा शिक्षक र कर्मचारी पनि विजयी

प्रकाशित : मंसिर ४, २०७८ २१:२७
प्रतिक्रिया
पठाउनुहोस्

पाँचथर पहिरोमा ज्यान गुमाएकाका परिवारलाई सहयोग

लक्ष्मी गौतम

पाँचथर — कात्तिकको पहिलो साता गएको बाढीपहिरोमा परी ज्यान गुमाएका जिल्लाका ३३ जनाका परिवार तथा आफन्तलाई पाँचथर समाज काठमाडौंले आर्थिक सहयोग गरेको छ ।

जिल्लाको मिक्लाजुङ गाउँपालिकाका २४, फाल्गुनन्द गाउँपालिकाका ४, फिदिमका ४ र कुम्मायकका १ गरी ३३ जना मृतकका आफन्तलाई पाँचथर समाजले नगद सहयोग गरेको हो ।

समाजले प्रति परिवार १० हजार रुपैयाँका दरले नगद सहयोग गरेको जनाएको छ। समाजले सम्बन्धित गाउँपालिकाका जनप्रतिनिधिको रोहवरमा सहयोगस्वरुप रकम हस्तान्तरण गरेको ससमाजका अध्यक्ष होमकुमार लावतीको भनाइ छ ।

अध्यक्ष लावती, उपाध्यक्ष निर्मल रिजाल, महासचिव लक्ष्मीराज तावा र कोषाध्यक्ष आशा नेम्वाङले सम्बनिधत गाउँपालिकामा पुगेरै मृतक परिवारलाई नगद उपलब्ध गराएका थिए ।

यसवाहेक नेकपा एमाले जिल्ला कमिटी पाँचथरले पनि मृतक परिवारलाई १० हजारका दरले नगद सहयोग गरेको जनाएको छ । बेमौसमी झरीसँगै गएको बाढी र पहिरोका कारण पाँचथरमा ३२ जनाको ज्यान गएको थियो भने एकजना बेपत्ता छन् ।

प्रकाशित : मंसिर १, २०७८ २०:१२
पूरा पढ्नुहोस्
प्रतिक्रिया
पठाउनुहोस्
×